Jesoa Kristy ô - Jesoa Tompo masoandron'ny fiainana

Nampiditra: Belle
Sokajy: Jesoa Kristy,


  • Fihirana Hasina p. "550
  • Vavaka sy Hira p. "705
  • Ankalazao ny Tompo p. "415

1 Jesoa Kristy ô,
 Rahefa miposaka iny ny andro,
 Ka te hamololona;
 Hiara-mifoka ny tana-masoandro,
 Ny tany tontolo.
 Tsaroanay ny lanitr'i Betilehema,
 Andro Noely!
 Dia avy manatona anao izahay,
 Fa te hampamokatra, eny e,
 Tsirim-piadanana isan-tokonana. (indroa)
 
Jesoa Tompo,
Masoandron'ny fiainana.
 
2 Jesoa Kristy ô,
 Rahefa misandratra iny ny andro,
 Ka te hibaliaka
 Miara-migoka ny tana-masoandro
 Ny tany tontolo.
 Tsaroanay ny lanitr'i Jerosalema,
 Andron'ny Paka!
 Dia avy manatona anao izahay,
 Mba ho tafatsangana, eny e,
 Hiara-misotro ny herin'ny fiainana. (indroa)
 
3 Jesoa Kristy ô,
 Rahefa mandrorona iny ny andro,
 Ka te hitandavana;
 Hiara-matory amy masoandro mody
 Ny tany tontolo.
 Tsaroanay ny lanitry ny vohitra Oliva,
 Andro Fiakarana!
 Dia avy manatona anao izahay
 Hifanapatapaka ahitra, eny e,
 Ny amin'ny andro hiverenanao indray. (indroa)


 


Eugene Hery - Tel +39 338 744 2412 (Italie) - [0.0930 s.] - Hanohana anay