Intý aho hihira - Nataon'Andriamanitra eo am-pelatanan'i Kristy

Nataon'Andriamanitra eo am-pelatanan'i Kristy
Ny zavatra rehetra
Ary izy no natsangany ho Tompony.
 
1 Intý aho hihira ny fiandriananao
 Ambony sy madera manoatra noho ny lanitra
 Ireo vao minono sy ireo zazabodo
 No he miantsa anao ka mitory fiderana.
 
2 Dia sina sy nangina ireo fahavalonao
 Ka moana ny mpisompatra, menatra ny rafy
 Rah'hitako ny lanitra nataon'ny tànanao
 Ny volana, ny kintana 'zay namboarinao.
 
3 Fa inona ny olona no mba tsiahivinao
 Ny zanak'olombelona he tsimbininao
 Fa lasa ambany kely noh'Andriamanitra izy
 Ka enim-boninahitra izy nasondrotrao.
 
4 Ny asan-tananao foinao hozakainy
 Ny zavatra rehetra eo ambany fiadidiany:
 Dia omby aman'ondry omban'ny bididia,
 Ny biby 'zay mandady sy mandia izany tany.
 
5 Ny vorona eny an-danitra sy trondron-dranomasina
 Izay miriaria sy mifaly eny ambony onja.
 Ry Tompo Andriamanitra, endrey ny anaranao
 Marevaka sy fantatry ny mponina eran-tany.
 
6 Deraina sy hobina 'lay Ray nahary antsika
 Ny Zanaka Mpamonjy natsangany ho Tompo,
 Deraina ka hobina ny Fanahy nomeny antsika
 Ho antoka hampiray ny zavatra rehetra.