Ianao no Zanak'Andriamanitra

Nampiditra: Belle
Sokajy: Jesoa Kristy,


  • Fihirana Hasina p. "510
  • Fihirana Vaovao p. "518

1 Ianao no Zanak'Andriamanitra e,
 Ianao no Mpamonjy anay e.
 
O Kristy ô, ampio
Hanahaka anao 'zahay e!
 
2 Ianao no mpitondra hafatra e,
 Antsoy ho irakao 'zahay e.
 
3 Ianao nanaiky ho olombelona e,
Hanao ny sitraky ny Ray e.
 
4 Nitory sy nanao ny marina e,
 Na zovy hankahala anao e.
 
5 Ianao namelona ny madinika e,
 Niaro sy nanafaka azy e.
 
6 Ianao nanorina ny fitiavana e
 Ho andrin'ny fiaraha-monina.
 
7 Ianao tsy tonga mba hanameloka e,
 Fa hampibebaka anay mpanota.
 
8 Ianao nanavotra ny olombelona e,
 Na dia hamoizanao ny aina.
 
9 Ianao nifidy ho mofo velona e,
 Ho aina hiombonanay e.
 
10 Omeo anay ny Fanahy Masina e,
 Hiainanay ny fitiavanao e.


Eugene Hery - Tel +39 338 744 2412 (Italie) - [0.0353 s.] - Hanohana anay