Hohetsahin-java-tsoa avy amin'ny Tompo ireo 'zay noana

Nampiditra: Belle
Sokajy: Andriamanitra Ray,


  • Ankalazao ny Tompo p. "125
  • Fihirana Hasina p. "497
  • Vavaka sy Hira p. "391
  • Fihirana Dera p. "275

Hohetsahin-java-tsoa avy amin'ny Tompo ireo
'Zay noana sy matoky azy;
hohetsahin-java-tsoa 
avy aminy mandrakariva. (Lk. 1, 53)

(1 Sam. 2, 1-10)
 
1 Endrey ny hafaliako manana ny Tompo,
 Ny lohako mitanondrika mitraka;
 Ka indro aho misoka-bava hiaro tena,
 Mifaly aho, ry Tompo, fa voavonjinao a.
 
2 Ny masina toy ny Tompo dia tsy misy,
 Ny toky manahaka azy koa dia nofy,
 Tandremo ny teny an'avona fanao,
 Tandremonareo ny vava tafahoatra.
 
3 Satria tsisy zava-miafina amy Tompo,
 Sady izy mandanja hatrany ny asantsika:
 Ny olo-mahery tapaka tsipìka,
 Ny osa kanefa miatrana amin-kery.
 
4 Ny voky nasainy miasa mikarama,
 Ny noana kanefa homana tsy miasa,
 Ny momba nomeny zanaka amam-para,
 Kanefa ny maro anaka malazo.
 
5 Mamono ary koa mamelona ny Tompo,
 Mampidina sy mampakatra ny maty,
 Mampanana sy mandevona ny Tompo,
 Mampietry izy fa manandratra avy hatrany.
 
6 Alàny tsy ho eo am-bovoka ny ory,
 Akariny avy eo am-pako ny mahantra,
 Ka indro nomeny toerana mpanjaka,
 Tolorany fiketrahana mihaja.
 
7 Ny andrin'ny tany an'iza tsy azy Tompo,
 Ka eo no nasiany izao tontolo izao;
 Ny marina endrey tsinjoviny mandeha,
 Ny haizina kosa handevona ny ratsy.
 
8 'Zay miady manohitra azy torotoro:
 Darofany kotro-baratra izy ireny,
 Tsarainy tokoa ny fara vazantany,
 Sikinany hery izay nampanjakainy.
 
9 Asandrany ambony homeny fahefana
 Ny tandrok'ilay voahosotra ho mpanjaka.
 Hisaorana anie ianao, ry Ray mahery,
 Ny Zanaka sy Fanahy dia hoderaina.


Eugene Hery - Tel +39 338 744 2412 (Italie) - [0.0757 s.] - Hanohana anay