Hisaorana anie 'lay Andriamanitra

Hisaorana anie 'lay Andriamanitra
Rain'i Jesoa Kristy Tompontsika. (Ef. 1, 3)

(1 Tant. 29, 10-13)
 
1 Hisaorana ianao, ry Andriamanitr'i Israely razanay
 Hatramin'ny mandrakizay ka ho mandrakizay!
 
2 Anao, ry Tompo, ny halehibiazana sy hery,
 Ny hamirapiratana, fahamendrehana sy fiandrianana:
 
3 Anao ny zava-drehetra:
 Na ny any an-danitra na ny eto an-tany!
 
4 Anao, ry Tompo, ny fanjakana,
 Ianao manerinerina ambonin'ny tontolo!
 
5 Ny harena, ny voninahitra dia avy aminao!
 Ianao no manapaka ny zava-drehetra!
 
6 An-tananao ny hery sy ny tanjaka
 Ny tànanao no mahalehibe sy mahamafy ny rehetra!
 
7 Koa misaotra anao izahay, ry Andriamanitra ô,
 Ary midera ny anaranao be voninahitra!