Fa sarotra ho an'ny mpanankarena

Nampiditra: Belle
Sokajy: Salamo,


  • Ankalazao ny Tompo p. "118
  • Vavaka sy Hira p. "287
  • Fihirana Hasina p. "458

Fa sarotra ho an'ny mpanankarena ny miditra e,
Ny miditra amin'ny fanjakan'Andriamanitra. (Lk. 18, 24)

(Sal. 48)
 
1 Ny olona manko raha manan-kaja,
 Tsy azony veroka akory izany
 Ka mova tsy biby tsy manan-tsaina.
 
2 Jereo ny hanjò 'reo matoky tena,
 Ny lozan'izay minomino foana;
 Toa ondry mitoby mba hovonoina.
 
3 Hiraotra any am-pasana toy ny maty;
 Mba mailaka erý izy midina any,
 Ny endriny hanjavona mora foana.
 
4 Ny Tompoko kosa mitsimbina ahy,
 Vonjeny amy fahafatesana aho;
 'Zay manan-karena, aza dia ahina.
 
5 Raha tany misondrotra manan-daza,
 Angaha ny hareny manaraka azy?
 Raha maty izy hankaiza ny fiamboniany?
 
6 Endrey 'zany lazany teo aloha,
 Nohasohasoiny any an-tampon-doha;
 Izao tafaray amy Razany izy.
 
7 Tsy hahita mazava mandrakizay
 Izany tokoa e ny manan-kaja,
 Dia miova tsy biby tsy manan-tsaina!
 
8 Hisaotra ny Tompo mpitsara isika,
 Ny Zanany ohatra ho antsika,
 Fanahiny harena nomeny antsika.


Eugene Hery - Tel +39 338 744 2412 (Italie) - [0.0070 s.] - Hanohana anay