Any an-danitra any no tanànantsika

Any an-danitra any no tanànantsika
Sy iandrasantsika Mpamony, dia i Kristy,
Ilay hanova ny vatantsika
Hitovy endrika amin'ny azy mamirapiratra,
Mamirapiratra. (Fil. 3, 20-21a)

(Sal. 136)

1 Teo amoron'ny onin'i Babilônina,
 teo izahay nitorovoka tamin'ny tany,
 Nitomany fa manina ilay Siôna.
 Tamin'ny hazomalahelo teny ho eny
 No nahantonay, ho'aho ny lokanganay.
 ny lokanganay.
 
2 Fa nangataka hira ireo mpandresy anay,
 Ka nanery anay hifaly ireo mpampahory
 Hoe: "Kaloy aminay ny hiran'i Siôna".
 Fa hataonay ahoana àry ny fihira
 Izany hiran'ny Tompo any an-tanin'olona?
 any an-tanin'olona?
 
4 O! ry Jerosalema ô, sanatria,
 Raha toa ka izaho no hanadino anao,
 Dia ny tanako havanana aoka halemy.
 Izany lelako hiraikitra an-danilaniko
 Raha hoe ka izaho tsy hisaina anao,
 tsy hisaina anao.
 
4 Raha toa tsy ilay Jerosalema koa
 No hatao faratampon'ny fifaliako,
 Dia ny tanako havanana aoka halemy.
 Izany lelako hiraikitra an-danilaniko
 Raha hoe ka izaho tsy hisaina anao,
 tsy hisaina anao.
 
5 Sanatria, tsy isika no hanadino
 Ilay Vohitra masina vaovao,
 Koa tsarovy ny Mpahary miandry antsika any,
 Sy ny Zanaka Mpialoha làlana antsika,
 Ny Fanahy Mpitantana, azo antoka!
 azo antoka!