Anilanao, Reny malala

1 Anilanao, Reny malala,
 No fialofanay zanakao:
 Sasatra i Satàna mankahala
 Tsy handresy anay, sanatria!
 
2 Ho lavo 'zay miady irery,
 Fa malemy ny herinay,
 'Zay anilanao no mahery
 Fa tohananao, ry Maria!

3 Ny fo vesaram-pahoriana,
 Ny tebitebinay fantatrao:
 Tsy ho lavon'ny hakiviana
 Fa tohananao, ry Maria!
 
4 Raha tonga ilay ora tsy idifiana,
 'Lay fetr'andro ialanay etý,
 Any akaikinao no fodiana
 Hovantaninay, ry Maria!