Mangetaheta famonjena

1 - Mangetaheta famonjena
Ny olonao, ry Jesoa o
Ka iantrao fa mahonena :
Vonjeo, vonjeonao ry Jesoa
Omeo Pretra maro.

Fiv : Vonjeo, vonjeonao ry Jesoa,
Omeo Pretra maro.

2 - Tsy mahalala izay ataony
'Reo mbola anaty haizim-be
Tsy mahalala Anao akory
Fa dia variana manompo
Ny vato aman-kazo.

3 - Mandeha an-jamba lalandava
'Reo ondry diso lalana :
Voafitaka, voarebireby,
Ivelan'ny vala tokana
Ny havanay ry Jesoa.
 
4 - Maditra sy kirina ratsy
'Reo zanakao mpanota be,
Mila mpitsabo, mila mpanampy,
Ka pretra no angatahiny
Hitondra azy aminao.