Handohalika amin'ny anaran'i Jesoa avokoa

Handohalika amin'ny anaran'i Jesoa avokoa
Ny olon-drehetra,
Na ny any an-danitra na ny ety an-tany. (Filipo 2, 10-11)

(Sal. 96)
 
1 Aoka hifaly 'zany tany, fa manjaka izao ny Tompo,
 Koa samia manao korana ianareo nosy maro:
 Fa ny rahona no lamba ihodidinan'ny Mpanjaka,
 E, ny rariny sy ny hitsiny ijoroany ao an-drova.
 
2 Eo alohany ny afo no mandevom-pahavalo,
 Ka mazava 'zay lalovan'ireo tsela-mitsoriaka:
 Fa ny tany raha mahita tsy mitsaha-mihorohoro,
 Tendrombohitra am'izany dia mitsonika mikoa.
 
3 Fahamarinany no tian'izany lanitra hambara;
 Voninahiny tazano hita mason'ny vahoaka:
 Safo-kenatra avokoa 'zay manompo sarisary,
 Manantena hirehareha ka mifikitra amy sampy.
 
4 Ny andriamanitra rehetra miankohoka avokoa,
 I Siôna vao mandre dia falifaly aoka izany:
 Tovovavin'i Jodà nitotorebika nandihy,
 Fa satria tena to ny fitsaràn'ny avo indrindra.
 
5 Ianao manerinerina mifehy ny tontolo,
 Andriamanitra mahery sy ambony tsisy fetra.
 Ianareo 'zay tia ny Tompo, andosiro re ny ratsy,
 Fa ny Tompo dia mitandrina an'ireo 'zay mino azy.
 
6 Ny hazavana vao mitranga, ny olo-marina no trany,
 Ka somebin-karavoana 'zay mahitsy fo rehetra:
 Mifalia, ry olo-marina eo imason'izy Tompo,
 Eny, masina ny anarany, ka tongava ianao hisaotra.
 
7 Koa tongava ianao hisaotra, 'ndeha mba hiaraka hidera,
 Fa ny Tompo tiantsika no naneho ny fahefany,
 Ka ny zanany nomeny fandresena mba hanjaka,
 Ny fanahy noraisintsika ka manjaka koa isika.