Andeha isika hiara-dia,
Ô ry vahoaka izay manerana ny tany;
Andeha isika hiakatra amin-kafaliana
Ho any an-tranon'i Iaveh. (indroa)
(Sal. 121)
1 Ny lalanay mizotra mankany aminao,
Fa any aminao no misy ilay fonenanay.
Endrey izany haravoana raha nilazana hoe:
Andeha hiroso any an-tranon'i Iaveh.
2 Jereo, ry Tompo ô, 'zahay vahoakanao,
Fa tafavory etoana ho foko tokana.
Omeo fitahiana sy fanambinana,
Tolory andro lava amam-piadanana.
3 Mba tsofy rano, Tompo, ny hasasaranay,
Valio zato heny ny kely vitanay;
Tantano re 'zahay ho tody any aminao,
Mba hankalaza anao anio, mandrakizay.