Aleloia, aleloia, aleloia. - Hobio ny Tompo ao an-tranony masina

Aleloia, aleloia, aleloia.

(Sal. 150) 
1 Hobio ny Tompo
 Ao an-tranony masina, aleloia.
 Hobio ny Tompo
 Amin'ny fiketrahany, aleloia.
 
2 Derao ny Tompo
 Mahagaga ny asa nataony, aleloia.
 Derao ny Tompo
 Lehibe sy mandrakizay, aleloia.
 
3 Hirao ny Tompo
 Amin'ny fiandrianany, aleloia.
 Amin'ny feon'ny valiha
 Sy ny feon'ny lokanga, aleloia.
 
4 Hirao ny Tompo
 Amin'ny amponga maredona, aleloia.
 Ny dihy sy ny sodina
 Aman-java-maneno, aleloia.
 
5 Amin'ny kipantsona
 Manga feo mikarantsana, aleloia.
 Hirao ny Tompo,
 Ry manana aina rehetra, aleloia.