Matoky anao 'zahay,
Matoky anao, ry Tompo,
Iaveh mpamindra fo.
(Sal. 129)
1 Anaty hantsana aho no miantso ny anaranao:
Henoy ny feoko.
Ny sofinao anie hihaino ny antsoko,
Vavaka mitaraina.
2 Raha toa hotananao ny heloka vitanay,
Iza no haharitra?
Mpamela heloka ianao, mba hanajana anao,
Tompo be indrafo.
3 Manantena anao, miandry ny teninao
Ny foko sy fanahiko.
Toy ny mpiambina miandry masoandro,
'Zaho miandry ny Tompo.
4 Ao aminao, ry Ray, no misy ny indrafo
Ary ny famonjena.
Izy hanavotra 'reo zanak'i Israely
Amin'ny ota rehetra.