Sambatra ny mpanompo tratran'ny Tompony miambina

Sambatra ny mpanompo
Tratran'ny Tompony miambina,
Fa ny Tompony handroso sakafo ho azy,
Sy hampipetraka azy mba hihinana. (Lk. 12, 37)

(Sal. 122) 

1 Ry Tompoko, ianao 'zay mitoetra any ambony,
 Ny masoko miandra mibanjina anao:
 Sahala amin'ny mason'irony mpanompo,
 Miandra ny tanan'ny tompony hatrany.
 
2 Sahala amin'ny mason'ny mpanompovavy
 Miandra ny tanan'ny tompony hatrany:
 Iantrao re 'zahay, Andriamanitra Tompo,
 Fa vokin'ny eso, efa tofoka loatra!
 
3 Ny tretrika manko dia faly mandatsa,
 Ny mpiavona revo manebaka anay.
 Isaorana ianao Andriamanitra Ray,
 Satria sitrakao ho mpandova izahay.