(Sal. 116)
Miderà, miderà an'i Iaveh, miderà!
1 Miderà an'i Iaveh, ianareo firenena rehetra,
Mihobia, mankalaza azy Tompo, e ry mponina rehetra.
2 Lehibe ny indrafony amintsika vahoakany eto an-tany
Ary maharitra mandrakizay ny fahamarinan'izy Tompo.
3 Ny fitiavany anie no niantsoany antsika ho zanany,
Hiaraka amin'i Jesoa Mpamonjy ho voninahitr'izy Ray.
4 Sitrapon'izy Ray, fandaharany masina indrindra
Ny hivondronan'ny zava-drehetra ao amin'i Kristy.
5 Famantarana anie avy amin'ny Fanahy Masina
No manavaka antsika mpandova sy olom-pinidiny.
6 Dera anie ho an'ny Ray sy ny Zanaka sy ny Fanahy,
Toy ny taloha sy ankehitriny sy mandrakizay. Amen.