Mba sambatra 'zay matahotra ny Tompo re

Nampiditra: Belle
Sokajy: Salamo,


  • Fihirana Vaovao p. "252
  • Fihirana Dera p. "67
  • Vavaka sy Hira p. "341
  • Fihirana Hasina p. "245

(Sal. 111)

Mba sambatra 'zay matahotra ny Tompo re,
Mba sambatra 'zay matoky, mino azy re,
Mba sambatra 'zay matahotra ny Tompo re,
Mba sambatra 'reo 'zay tia anao, ry Iaveh!

 
1 Mba sambatra izy ireo matahotra an'i Iaveh
 Sy mankasitraka ireny didiny.
 Fa ny taranany hahery an-tany aty,
 Ireo solofony hambininy avokoa.
 
2 Ka dia hiadana ny tokantranony,
 Fahamarinana ho anjara lovany,
 Anaty haizina dia hotsilovina
 Ny olo-marina sy be fitiavana.
 
3 Hisandratra tokoa, tadidy anarana,
 Ny olo-marina ho rakotry ny soa.
 Raha ilazana loza, tsy mba matahotra,
 'Lay Andriamanitra no itokisany.
 
4 Mihidy vazana izay mialona,
 Fa sasa-poana, tsy mahatohitra.
 Ny olo-marina malala-tanana,
 Be voninahitra, arovan' izy Ray.
 


Eugene Hery - Tel +39 338 744 2412 (Italie) - [0.1117 s.] - Hanohana anay