Midoboka toa ranomasina

Nampiditra: Belle
Sokajy: Salamo,


  • Ankalazao ny Tompo p. "173
  • Fihirana Hasina p. "234
  • Vavaka sy Hira p. "324
  • Fihirana Vaovao p. "443

Midoboka toa ranomasina,
Ny feon'i Kristy Tompo,
Mahatsangana ho velona
Izay nodimandry.

(Sal. 92)

1 Andriana manjaka ianao, ry Tompo,
 Mitafy ny hery tsy hay tohaina;
 Ny zava-drehetra harin-tananao
 Tomombana fatratra, tsy mivena.
 
2 Mirafitra mafy ny rovanao,
 Fa manda miorina tsy mikoro;
 Hatrany am-boalohany teo ianao,
 Ho mandrakizay re tsy hanam-petra.
 
3 Ny ony, ry Tompo, manandra-peo,
 Mandefa ny onjany hiraondraona,
 Midoboka mafy ny feon-driaka:
 Manoatra an'ireny ianao Tomponay!
 
4 'Reo teny rehetra voalazanao
 E, lalina, marina, tsy mivaona;
 Ny fahamasinana feno haja
 Manerana izany fonenanao.
 
5 Isaory ny Ray loharanon'aina,
 Ny Zanany tokana 'zay mpandova;
 Natolony antsika ny fanjakany,
 Satria ny Fanahiny momba antsika.
 


Eugene Hery - Tel +39 338 744 2412 (Italie) - [0.0913 s.] - Hanohana anay