Fa tokana manko Andriamanitra

Fa tokana manko Andriamanitra e,
Fa tokana ihany ny Mpanalalana e,
Dia i Jesoa Tompontsika ô. (indroa) (1Tim. 2, 5)

(Sal. 80)
 
1 Hobio Andriamanitra herintsika,
 Derao Andriamanitra, ry Jakôba,
 Venteso ny hira, ivelezo aponga,
 Tendreo ny lokanga, ombao valiha.
 Fa na lohataona na fararano,
 Itsofy anjomara hilanonantsika;
 F'izany no didy ho an'i Israely,
 Nomen'Andriamanitra an'i Jakôba.
 
2 Nataony lalàna ho an'i Jôsefa,
 Dia fony izy niala avy tany Ejipta.
 Fa inona moa izany teny reko?
 Toa teny tsy fantatro, teny hafa:
 "Nalako eo an-tsorony re ny bao
 Sy ny enta-mavesatra nolanjainy;
 Niantso raha ory ka novonjeko,
 Tanaty oram-baratra novaliako.
 
3 Ianao, ry vahoakako, mihainoa,
 Ry Israeliko, mandrenesa:
 Tandremo mitsaoka andriamani-kafa,
 Mandray ny andriamanitr'ireo vahiny
 F'izaho re no Tompo Andriamanitrao,
 Nampakatra anao avy tany Ejipta:
 Misokatra tsara ve izato vava?
 Avy etsy hofenoiko sakafo soa".
 
4 Kinanjo ny oloko tsy nihaino,
 I Israely nanosika ahy!
 Izao izy avelako hanao ny tiany,
 Hanaraka tsara 'zay sitrapony.
 Indrisy! raha nihaino ahy 'reo olon-tiako,
 Ka i Israely nanaraka ahy:
 Dia ho noreseko ny fahavalo,
 Ny rafy ho nasiako tokoa tokoa.
 
5 Ireo mpankahala ho nandadilady,
 Ho nanaiky resy tanteraka izy.
 Ny oloko ho nomeko vary kanto,
 Niampy tantely tam-batolampy.
 Isaory ny Ray fa niahy antsika;
 Ny Zanany nentiny hamonjy antsika;
 Hobio ny Fanahy izay nomena antsika,
 Mizara ny soa hamokarantsika!
 

Nampiditra Belle
Sokajy Salamo
Ankalazao ny Tompo p. 137
Fihirana Hasina p. 219
Fihirana Vaovao p. 454
Vavaka sy Hira p. 307
© Eugene Heriniaina - serasera.org 1999 - 2024 - page load 0.017