Andriamanitra ô, miantso anao aho, te hihaona aminao

Nampiditra: Belle
Sokajy: Salamo,


  • Vavaka sy Hira p. "292
  • Fihirana Hasina p. "216
  • Fihirana Vaovao p. "294
  • Fihirana Dera p. "147

(Sal. 62)

Andriamanitra ô, Andriamanitra ô,
Miantso anao aho, te hihaona aminao.
 
1 Hatramin'ny maraina no iantsoako anao,
 Mangetaheta anao 'zany fanahiko.
 
2 Ny tany karakaina omeo ny orana,
 Ny foko mitaraina, fa te hahita anao.
 
3 Iriko anie, ry Tompo, ny ho eo anilanao,
 Hibanjina isan'andro ny voninahitrao.
 
4 Ny tara-masoandro andrasan'ny maraina:
 Manoatra noho izany ny fiantsoako anao.
 
5 Ny aina etý an-tany efa ankafizinay,
 Fa mamy noho izany ny hatsaram-ponao.
 
6 Fa ianao no aina hamelombelona ahy,
 Fa ianao, ry Ray ô, no hasambarako.

 


Eugene Hery - Tel +39 338 744 2412 (Italie) - [0.1028 s.] - Hanohana anay