Aoka tsy hatahotra na hangorohoro ny fonareo

Nampiditra: Belle
Sokajy: Salamo,


  • Ankalazao ny Tompo p. "129
  • Vavaka sy Hira p. "291
  • Fihirana Hasina p. "215
  • Fihirana Vaovao p. "234
  • Fihirana Dera p. "249

Aoka tsy hatahotra na hangorohoro ny fonareo,
Fa ny fiadanako no omeko anareo. (Jn. 14, 1. 27)

(Sal. 61)
 
1 Ao amin'Andriamanitra no iadanan'ny fanahiko,
 Avy aminy tokoa no nahazoako fanavotana,
 Ary izy irery ihany moa no tena vatolampiko,
 Sady izy irery ihany koa no tena fanavotana:
 Mijoro tsy hihontsona aho, fa izy re no rovako.
 
2 Fa ianareo kosa ho' aho mba mandra-pahoviana,
 Mba mandra-pahoviana no ifofoana olo-marina?
 Fofoina mba hikoro ka hirodana toa rindrina,
 Ambony toerana izy ka tadiavina hidaraboka,
 Ry olona mpihatsaravelatsihy, ô ry mpamitaka!
 
3 Ianao, ry fanahiko, katsaho ny fiadanana
 Ao amin'Andriamanitra 'zay antenaiko fatratra,
 Ary izy irery ihany moa no tena vatolampiko,
 Sady izy irery ihany koa no tena fanavotana,
 Mijoro tsy hihontsona aho, fa izy re no rovako.
 
4 Avy amin'Andriamanitra tokoa ny fanavotana,
 Miorina eo akaikin'ny Tsitoha ny voninahitro
 Fa izy fialofa-mahatoky, vatolampiko,
 Ka aminy ametrahana ny toky, ry vahoakany,
 Dia izy no ilazao ny ahiahy fa itokisana.
 
5 Andeha isika hidera an'Andriamanitra fialofana,
 Naniraka ny Zanany hitondra fanavotana,
 Nanala antsika ho afaka amy jiogam-pahafatesana,
 Mba hankahery antsika, dia nomeny ny Fanahiny
 Hanampy antsika hiaina sy hamaly ny fitiavany.


Eugene Hery - Tel +39 338 744 2412 (Italie) - [0.0064 s.] - Hanohana anay