Tia anay ianao, ry Jesoa

Tia anay, tia anay ianao, ry Jesoa,)
Mampiombona anay,                      ) (indroa)
Mampihavana anay amin'ny Ray!    )

1 Endrey 'ty famantarana, ô ry Jesoa Tomponay,
 Fa niara-nisakafo taminay tokoa ianao:
 'Zany re ka fanasana enim-boninahitra!
 Enga anie hinoanay f'ianao no hany hamonjy anay.
 
2 Endrey 'ty fiadanana, ô ry Jesoa Tomponay,
 Fa niara-nisakafo tamin'ny mpanota ianao:
 Izy ireny, hoy ianao, no indro nahatongavanao;
 Enga anie ho tsapanay fa mila anao tokoa 'zahay.
 
3 Endrey 'zany hafaliana, ô ry Jesoa Tomponay,
 Fa niara-nisakafo tamin'ny mpianatrao ianao:
 Teo am-pamakiana mofo, velona aina ny finoany;
 Enga anie ho fantatray fa fiainanay tokoa ianao!
 
4 Endrey 'ty fitiavana, ô ry Jesoa Tomponay,
 Fa miara-misakafo aminay tokoa ianao:
 'Zay mandray ny mahantra dia mandray ny Tenanao;
 Enga anie hanananay ny fo nitiavanao anay!
 
5 Endrey 'zany hasambarana, ô ry Jesoa Tomponay,
 Fa ho avy indray ianao rahefa feno ny fotoana,
 Ka hanasa ireo voafidy hiara-komana aminao,
 Enga anie 'zahay rehetra hahandry ny hiverenanao!