1 Misaotra anao, Jesoa hôstia,
Misaotra anao i Madagasikara:
Mahafaly anay ny fitiavanao.
Dera sy laza no atolotray
Ho anao, ry Mpamonjy tsara fo,
Anjakao 'zahay, Kristy.
2 Ny Vatanao sy ny Ranao
No natolotrao hamonjena anay:
Mahagaga loatra ny fitiavanao.
3 Ela tokoa no nanolorana
Ny lamesa masina teto aminay:
Lehibe tokoa ny fitiavanao.
4 Manome toky 'zahay rehetra
Fa ho tia anao sy handray anao:
Maminay tokoa ny fitiavanao.