FINOANA
Jesoa Mpamonjiko, mino mafy aho fa ny vatanao sy ny ranao sy ny fanahinao ary ny fomban’Andriamanitra ao Aminao no efa horaisiko amin’ny Komonio, Andriamanitra mino izany aho fa Ianao ihany no nilaza.
FANANTENANA
Jesoa Mpamonjiko, manantena aho fa rehefa mandray Anao ato am-poko amin’ny Komonio masina, dia omenao ahy ny fahasoavanao sy ho raisinao any an-danitra aho amin’ny andro ho avy.
FITIAVANA
Jesoa Mpamonjiko, be loatra ny fitiavanao ahy fa efa omenao ahy ny tenanao manontolo, koa tahio aho mba hanomezako Anao ny tenako manontolo ary mba itiavako Anao irery mandrakizay.
FANETRE-TENA
Jesoa Mpamonjiko, tsy mendrika ny hidiranao ato anatin’ny foko aho fa manonona teny iray ihany dia ho sitrana ny fanahiko.
FANENENANA
Andriamanitra Tompoko, malahelo mafy amin’ny ratsy nataoko Taminao aho satria Ianao tsara indrindra ka tokony ho tiana indrindra, ary Ianao tsy tia ny ratsy, manampo tsy hanao ratsy Aminao intsony aho sy hanao asa fivalozana ho fitahianao ahy.