Tompo ô, raiso aho hampanjaka ny fiadanana avy aminao ;
ny mankahala anie homeko fitiavana,
ny nanaovan-dratsy homeko fahaiza-mamela,
ny miadiady homeko fihavanana,
ny diso hevitra, homeko ny marina,
ny misalasala homeko finoana,
ny mamoy fo homeko fanantenana,
ny anaty haizina homeko hazavana,
ny malahelo homeko hafaliana.
Tompo ô, tsy ny halana alahelo loatra anie no hotadiaviko
fa ny hanala alahelo,
tsy ny hohenoina fa ny hihaino olona,
tsy ny hotiavina fa ny ho tia ;
satria izay manome no mandray,
izay mahafoy tena no mamonjy ny tenany,
izay mamela heloka no havela heloka,
izay manao aina tsy ho zavatra
no hitsangana ho velona mandrakizay.
