Alatsinainy III Vavaka Maraina

Herinandro vaovao no atombontsika izao, iezahana hamaliana ny antson’Andriamanitra amintsika sy hanatanterahana izay andrasany amintsika.

ANTSO (I.)

VALINKIRA

Fiv: Iza moa Ianao, Ry Jesoa Nazareana?

1 Tonga niara-nonina tamy zanak’olombelona

Tsy mba notompoina fa nilatsaka ho mpanompo.

Fiv: Iza moa Ianao, Ry Jesoa Nazareana?

2 Tsy mba nanameloka na velom-pitsarana

Fatra-panamaivana ny fijalian’ny ory.

Fiv: Iza moa Ianao, Ry Jesoa Nazareana?

3 Lalam-pitiavana no lala-nodiaviny.

Herin’ny Fitiavany dia foiny hatramin’ny ainy.

Fiv: Iza moa Ianao, Ry Jesoa Nazareana?

4 Nasandratr’Andriamanitra, nasandrany ho Tompo

Eny, fa Ianao tokoa no Zanak’Andriamanitra.

Fiv: Iza moa Ianao, Ry Jesoa Nazareana?

FANAINGANA (II.)Salamo 67 (66)

Fiv: Hitanay i Kristy, ‘ndeha isika ho any Aminy. (Jn 1,45-46)

1 Hiantran’ Andriamanitra anie isika hotsimbininy

Ka hataony mamiratra eo amintsika ny tavany!

2 Dia ho fantatry ny olona eran-tany ny herinao,

Ka hanerana ireo firenen-drehetra ny vonjinao!

Fiv: Hitanay i Kristy, ‘ndeha isika ho any Aminy.

3 Ny vahoaka rehetra enga anie hidera, Andriamanitra ô,

Ny vahoaka rehetra enga anie hidera ny Anaranao!

4 Aoka hifaly sy hiantsa ny firenena isan-tokony

Fa Ianao dia mitsara azy rehetra ireny ara-drariny.

Fiv: Hitanay i Kristy, ‘ndeha isika ho any Aminy.

5 Fa Ianao dia mitsara vahoaka araka ny hitsiny

Sy manjaka am’ireo firenen-drehetra isan-tokony.

6 Ny vahoaka rehetra enga anie hidera, Andriamanitra ô,

Ny vahoaka rehetra enga anie hidera ny Anaranao!

Fiv: Hitanay i Kristy, ‘ndeha isika ho any Aminy.

7 Fa ny tany volena tsy misy izay tsy mamokatra,

Andriamanitra manko Andriamanitsika: mitsimbina.

8 Enga anie ka hitsimbina antsika hatrany Andriamanitra,

Ka ho masina eran’ny vazan-tany ny Anarany!

Fiv: Hitanay i Kristy, ‘ndeha isika ho any Aminy.

9 Voninahitra anie ho an’ny Ray nandefa ny Zanany

‘Zay nomeny hanasoavany antsika noho ny Fitiavany!

Fiv: Hitanay i Kristy, ‘ndeha isika ho any Aminy.

SALAMO (III.)84 (83)

Tompon-trano iskra ao amin’ny Fiangonana. Mahafinaritra izany!

Kanefa tsarovy fa ipetrahana adidy.

Sas: Tsy vahiny tsy olo-manjeny ianareo, fa miombon-dova

amin’ny Olomasina ary Fianakavian’Andriamanitra. (Efez 2,19)

Andininy:

1 Endrey tena kanto ny fonenanao,

Ry Tompon’ireo Fahefana sy Hery,

Manembona Anao lalandava ny foko

Misento maniry ny Kianjanao.

2 Endrey velon-kira mihoby ny foko,

Mientana faly, miandra Azy Tompo,

Fa velona sady manjaka tokoa

Ilay Andriamanitra Fanantenako.

3 Ny voromanidina reny tsy lao,

Ireo sidintsidina mbamin’ny fody,

Mitoetra manila ny Otelinao

Ry Tompo Mpanjakan’ny tany tontolo.

4 Endrey ny hasambaran’ny vahoakanao,

Mihoby, midera tsy tapaka Anao,

Miravo tokoa ‘zay mitoky Aminao

Mavitrika, tojo ny lalan-kombana.

5 Ny tany mangentana indro zahao:

Miboika ny rano fanala hetaheta.

Ny voalohan’orana zary tsodrano,

Mipatraka mora sy mamelombolo.

6 Endrey fa mitombo ‘zaitsizy ny hery,

Miroso tsy miato hatrany ny dia,

Mitety havoana ka maila-pandeha,

Matoky hahita ny Tompo ao Siôna.

7 Henoy re ny feoko, ry Tompo mahery,

Ry Ain’i Jakôba, mba ombay mitsinjo,

Ianao manko Tompo Ampinga sy Aro,

Tazano ‘lay hany nofinidinao.

8 Ny andro iray ao an-kianjanao

Mihoatra ny arivo an-toerana hafa.

Aleoko mandia ‘zany tokonanao,

Tsy tiako ny lay manalavitra Anao.

9 Fa Manda mijoro sy Ampinga ny Tompo,

Manetsaka soa aman-kaja ‘reo tiany,

Mambomba hasambarana hatrany hatrany,

Ny olony vonon-kahitsy famindra.

10 Ry Tompon’ireo Fahefana sy Hery,

Endrey ‘zany soa sy firavoravoana,

Iriariavan’ny vahoakanao

Matoky sy miankina mafy Aminao.

11 ‘Lay Ray Tompontrano hanangana antsika

‘Lay Zanany tonga nitondra ny antso

‘Lay Hery atolony dia ny Fanahy:

Ombantsika Saotra fa Andry sy Toky.

Sas: Tsy vahiny tsy olo-manjeny ianareo, fa miombon-dova

amin’ny Olomasina ary Fianakavian’Andriamanitra.

TONONKIRA (IV.)Iz 2, 2-5

Sas: Miara-mizotra isika ho any Jerosalema vaovao;

Ka tsy hisara-mianakavy,

fa hifanatri-tava amin’ny Ray mandrakizay! (Apok 21,24; 22,4)

Andininy:

1 Izao no ho tonga any am-parany any,

Ny vohitra misy ny Tompontsika

Dia hanerinerina ambony havoana,

Ho sangan’ireo tendrombohitra avo.

2 Hirohotra ho any ny firenena,

Hanao ranolava hifampitaona

"Andeha isika hiakatra ny tanàna

Fonenan’Andriamanitr’i Jakôba.

3 Fa hanoro antsika ny lalany Izy

Mba hizorantsika manaraka Azy

I Siôna manko no loharano

Ipoiran’ny Teniny sy ny lalàny."

4 Ny Tompo hampihavana ny vahoaka

Hitsara ireo adin’ny firenena

Hovana ny sabatra ho fangady

Ny lefona ho antsy fijinjana.

5 Ho foana tokoa ny adim-pirenena

Hitsahatra koa ny fianarana ady

Tongava ianareo terak’i Jakôba

Atony ny Fahazavan’ny Tompo!

6 Hanatona hidera ny Ray isika,

Fa avo sy masina indrindra Izy:

Nambarany antsika ny sitrapony

Ho masina tsy hanan-tsiny isika.

Sas: Miara-mizotra isika ho any Jerosalema vaovao;

Ka tsy hisara-mianakavy,

fa hifanatri-tava amin’ny Ray mandrakizay!

SALAMO (V.)96 (95)

Sas: Izao no hiseho rahefa any am-parany any ho resen’i Kristy

ny hery rehetra, ka hatolony an-dRainy ny fanjakana. (1 Kor 15,24)

Andininy;

1 Ikaloy reo hira vaovao

Ho an’ny Tomponao ry manan’aina

Ny fisaorana ao ka hanakoako!

Isan’andro vaky dia torio

‘Tony vonjy nentiny lazao,

Mba handre daholo ny eran-tany!

2 Fa ny Tompo ihany no ambony

Mahatahotra Izy noh’ny hafa,

Ka variana ery ny firenena.

Tsinontsinona avokoa, rey lahy

Ny andriamani-kafa tsy miteny,

F’Izy irery no masi-mandidy.

3 N’habakaba-manga dia nataony

Ka ny lapa masiny tazano

Fa mitemitra ‘lay fahefany,

Ka omeo ny Tompo, rey vahoaka

‘Tony hasina sy fahefana

Mbamy ‘reo Anaram-panajana.

4 Ny fanatitrao ‘ndeha atolory

Ka ny Tompo Masina iankohofy

Fa ny tavany e dia mahajemby.

Ny tontolo aoka hihararetra

Fa hilaza dinika ny Tompo

Ho toriny amy firenena.

5 He! - ny Tompo irery no Mpanjaka

‘Tony tany: vitany mijoro

‘Zany rariny entiny mitsara.

Mifalia ry lanitra sy tany

Aoka hidobodoboka ny riaka

Ka hifaliavanja ‘zany saha.

6 Mandihiza ianao ry hazo an’ala

Anoloan’ny Tompo: indro Izy

Mba hitsara ‘zao tontolo izao.

‘Tony tany itony ho zakainy

Ny ambanilanitra ho tsarainy

Ilazany "marina" hatrany.

7 Koa redony hatrany rey vahoaka

‘Zany antsa, hobin-kafaliana

Ho an’ny Ray Tompom-pahefana.

Ka ny fihobiana hombana haja

Ho an’Ilay nandray ny fanjakana

Nanome Fanahy ho herintsika.

Sas: Izao no hiseho rahefa any am-parany any ho resen’i Kristy

ny hery rehetra, ka hatolony an-dRainy ny fanjakana.

TENIN’ANDRIAMANITRA (VI.)Jak 4,11-12

Ry Kristianina havako, aza mifanaratsy fa izay manaratsy ny rahalahiny,

na mitsara ny rahalahiny, dia manaratsy ny Lalàna sy mitsara ny Lalàna.

Ary izay manaratsy ny Lalàna tsy mba mpankatò ny Lalàna tsy akory fa mihambo

ho mpitsara azy. Tokana anefa no hany Mpanao Lalàna sy Mpitsara, dia ilay

afa-mamonjy sy mamery. Ary ianao, mba iza moa ianao no dia mitsara ny namanao?

SETRINY (VII.)

ANTSA

Enga anie ny asa araka izay fanaontsika andavanandro no entintsika an-kira

hanomezam-boninahitra an’Andriamanitra hanompoana Azy sy ny namana.

1 Na ny Ray, na ny Reny, na ny mpanabe rehetra,

‘Zay milofo hahaolombanona ny zanaka amam-para:

Dia zanak’Andriamanitra, ‘Lay Marina indrindra,

Ka manomam-pihavanana hanjakan’ny fahamarinana!

Fiv: Miombom-peo lalandava amy Zanak’Andriamanitra

Ny voaary manontolo, sady feno sento lalina.

Mba ho afaka am’izay rehetra toa mamatotra azy,

Ary hahita ny Hazavan’ilay Andriananahary! (Rom 8,19.21)

2 ‘Reo mpamboly ary koa ny mpiasa tanana rehetra

Tsy mitandro hasasarana fa ain’ny Tanindrazana:

Dia Zanak’Andriamanitra, ‘lay tia fihavanana,

Ka manomam-pahamarinana hanjakam-piraisan-kina!

Fiv: Miombom-peo lalandava amy Zanak’Andriamanitra

Ny voaary manontolo, sady feno sento lalina.

Mba ho afaka am’izay rehetra toa mamatotra azy,

Ary hahita ny Hazavan’ilay Andriananahary!

3 ‘Reo mpitsabo sy mpikaroka tsy mionona amy vintana

Hanavao ny eto an-tany tsy handevozim-pahafatesana

Dia Zanak’Andriamanltra ‘lay Velona tokoa,

Mba hamelona firaisan-kina feno fahafahana!

Fiv: Miombom-peo lalandava amy Zanak’Andriamanitra

Ny voaary manontolo, sady feno sento lalina.

Mba ho afaka am’izay rehetra toa mamatotra azy,

Ary hahita ny Hazavan’ilay Andriananahary!

4 ‘Reo nanaiky hampiely izay mitranga eran-tany,

Mampiray ny rehetra amy ny ezaky ny hafa:

Dia miombona amy Tompo, ‘lay nanaiky ho tonga nofo,

Mba hampisy Fahafahana ao anaty Fiadanana!

Fiv: Miombom-peo lalandava amy Zanak’Andriamanitra

Ny voaary manontolo, sady feno sento lalina.

Mba ho afaka am’izay rehetra toa mamatotra azy,

Ary hahita ny Hazavan’ilay Andriananahary!

TONONKIRAN’I ZAKARIA (VIII.)

Sas: Nilaozan’ny mpianatra izao rehetra izao,

ka lasa izy ireo nanara-dia ny Tompo. (Lk 5,11)

Andininy:

1 Deraina isaorana Izy Tompo

Ny Tompo Andriamanitr’Israely

Fa Izy efa tonga namangy antsika

Nanavotra antsika amy fahavalo.

2 Nanolotra antsika herim-pamonjena

Avy amin’ny fianakaviana iray

Dia ny an’i Davida mpanompo tiany

F’izany tokoa no efa nolazainy.

3 Fa Teniny nentin’ny Mpaminany

Dia ireo olomasiny fahagola:

Ny vonjiny hanala amy fahavalo

Hanafaka antsika amy mpankahala.

4 Noho izy nandala ny Razantsika,

Dia indro tsaroany ny Fanekeny

Fa teny nomeny an’i Abrahama

Ny hanafaka antsika amy fahavalo.

5 Am’zay ‘sika ho afa-manompo Azy

Tsy anatin’ny tahotra sy ahiahy

Fa entin’ ny fo tia sy mahatoky

Ho eo anatrehany lalandava.

6 Ianao ‘zao anaka, no antsoina:

Ho ‘lay "Mpaminanin’ny Avo indrindra",

Hizotra anoloan’ny Tompo Ianao

Hamboatra ny lalana ‘zay hombany.

7 Ianao hanambara ny famonjena

Dia ny famelana ny hadisoana

Satria Andriamanitra fo miantra

Mandefa masoandro hamangiany antsika.

8 Fanilo hanazava reo mitakiky

Anatin’ny haizina mahafaty.

Fanilo hanazava ny diantsika

Am’lalam-piadanana lavorary.

9 Isaory ny Ray nanome antsika

Ny Zanany ho masoandrom-pamonjena!

Hobio ny Fanahy niantsoana antsika

Ho sambatra hibanjina ny mazava.

Sas: Nilaozan’ny mpianatra izao rehetra izao,

ka lasa izy ireo nanara-dia ny Tompo.