ANTSA (I.)
Ny tenin’Andriamanitra androany: Tonga nofo!
Nifanojo tamintsika!... asa raha noraisintsika!
1 ‘Zany Teninao, ry Tompo, Hazavana
‘Zay manilo ny vahoaka mino Anao
Ka nanafaka azy hiala anaty haizina
Nandrakotra an’izao tontolo izao.
Koa enga anie mba hino anao ‘zahay
Mba handraisanay ny Teninao
F’Ianao no sitrak’Andriamanitra
Ho lalam-pamonjena izay hizoranay.
2 ‘Zany Teninao, ry Tompo, tena Hery
Hitokian’ireo ‘zay manantena Anao:
Na ho levona aza izao tontolo izao
Ny Teninao tsy miova fa nandresy Ianao!
Koa enga anie hatoky Anao izahy
Hitazonanay ny Teninao
F’Ianao no sitrak’Andriamanitra
Ho fahamarinana ‘zay hianteheranay!
3 ‘Zany Teninao, ry Tompo, tena Aina
Iveloman’ny vahoaka tia Anao!
Nositraninao ny rofiny rehetra
‘Reo ‘zay nodimandry dia natsanganao.
Koa enga apie ho tia Anao ‘zahay
Ho sakafonay ny Teninao
F’Ianao no sitrak’Andriamanitra
Ho Aina ivelomanay mandrakizay!
SALAMO (II.) 49 A (48 A)
Misy sampy miantsoanrso hasambarana ho antsika ao anatintsilra ao dia
ny vola aman-karena: angamba manodoka ...?
Sas: Tsy misy afaka hanompo Tompo roa,
dia Andriamanitra sy ny vola;
Tsy misy afaka hanompo Tompo roa,
dia Andriamanitra sy ny harena. (Mt 6,24)
Andininy:
1 Ry olon-drehetra, samia mba mihaino
Henoy re, ry mponin’ny tany tontolo
Na olona tsotra na olona ambony
Na manankarena na ny malahelo.
2 Fa anatra soa no ambarako anao
Dia teny miloatra avy amin’ny foko
Henoy ny hain-teny ilazako azy anao
Valiha no hiritsoka izany aminao.
3 Nahoana aho moa no hatahotra loza
Hihevitra hoe tsy ho tafarina intsony
Ireo fahavaloko mirehareha
Fa manana ka manontany ny ory.
4 F’angaha misy olona mahavo-tena
Na hoe afa-mahaloa tamby amy Tompo
Satria lafo loatra tokoa ny avotr’aina
Tsy voavidim-bola na oviana na oviana.
5 Ahoana ary no hahavelomany hatrany
Ka hoe tsy hahafaty azy mandrakizay.
Jereo fa na dia ny olon-kendry aza maty
Ireo tsy ampy saina dia torak’izany
6 Ny haren’izy ireny nankaiza avokoa?
Tsy maintsy navelany ho lovan’ny hafa
Naniry izy honina mandrakizay
Kinanjo ny anarany sisa tavela.
7 Isaory ary Ilay Andriamanitra Tompo
Ny Zanany efa nandray Fanjakana
Fanahiny kosa hanamasina antsika
Ho mendrika hanompo Azy marina isika.
Sas: Tsy misy afaka hanompo Tompo roa,
dia Andriamanitra sy ny vola;
Tsy misy afaka hanompo Tompo roa,
dia Andriamanitra sy ny harena.
SALAMO (III.) 49 B (48 B)
Ny fifikirantsika amin’ny vola aman-karena no mahatonga antsika ho toy
ny Rafotsibe kendam-bomanga ka voan’ny ataon’ny tena ihany ary manakona
antsika tsy hijery ny hafa sy Ilay Andriamanitra.
Sas: Fa sarotra ho an’ny mpanankarena ny miditra
amin’ny fanjakan’Andriamanitra. (Lk 18,24)
Andininy:
1 Ny olona manko raha manan-kaja
Tsy azony veroka akory izany
Ka mova tsy biby tsy manan-tsaina.
2 Jereo ny hanjo ‘reo matoky tena,
Ny lozan’izay minomino foana;
Toa ondry mitoby mba hovonoina.
3 Hiraotra any am’pasana toy ny maty;
Mba mailaka erý izy midina any.
Ny endriny hanjavona mora foana.
4 Ny Tompoko kosa mitsimbina ahy
Vonjeny amy fahafatesana aho;
‘Zay manan-karena aza, dia ahina,
5 Raha tany misondrotra manan-daza.
Angaha ny hareny manaraka azy?
Raha maty izy hankaiza ny fiamboniany?
6 Endrey ‘zany lazany teo aloha,
Nohasohasoiny any an-tampon-doha
Izao tafaray amy Razany izy,
7 Tsy hahita mazava mandrakizay
Izany tokoa he ny manan-kaja
Dia mova tsy biby tsy manan-tsaina!
8 Hisaotra ny Tompo mpitsara isika,
Ny Zanany ohatra ho antsika,
Fanahiny harena nomeny antsika.
Sas: Fa sarotra ho an’ny mpanankarena ny miditra
amin’ny fanjakan’Andriamanitra.
TONONKIRA (IV.) Apok 4,11; 5,9-10.12
Nataon’i Kristy ho Mpisorona miaraka Aminy isika tamin’ny Batemy, ka ho
Sorona miaraka Aminy koa amin’ny Eokaristia sy ny fiainantsika manontolo.
Sas: An’ilay Zanak’Ondrin’Andriamanitra anie
ny Hery sy ny Laza ary ny Voninahitra!
1 Ry Tompo Andriamanitra mandrakizay e,
Ianao re no mendrika ny haja sy ny hery
F’Ianao no nahary ny zava-drehetra
Ka nisy izy ireny satria sitrakao.
2 Ianao re no mendrika haka ny Boky
Hamaha sy hanala ny tombo-kaseny
Fa noho ny Rà, fony Ianao novonoina
Nanjary voavonjy ho an’ny Tompo ‘zahay.
3 ‘Zahay samy hafa fiteny sy foko
Ny olon,drehetra eran’tany tontolo
Nantsoinao izahay hanjakan’ Izy Tompo
Ho tonga mpisorona hanjaka amy tany.
4 Ilay Zanak’Ondry voavono ho faty
No tokana mendrika handray fahefana,
Handray ny harena ombam-pahendrena,
Ny haja, ny laza arahina Saotra!
Sas: An’ilay Zanak’Ondrin’Andriamanitra anie
ny Hery sy ny Laza ary ny Voninahitra!
TENIN’ANDRIAIVlANITRA (V.) Rom 3,23-25a
Samy efa nanota ihany ny olombelona rehetra ka tsy manana ny
voninahitr’Andriamanitra, fa hamarininy maimaim-poana.
Fahasoavany izany: noho ny fanavotana izay ao amin’i Kristy fa
Izy no natsangan’Andriamanitra ampahibemaso ho sorom-pifonana
amin’ny ràny ho an’izay mino, mba hampiharihary ny fahamarinany.
VALINKIRA (VI.) Salamo 135,6 (134,6)
Fiv: Fa vitan’ny Tompo izay tiany hatao.
1 Ny Tompo nanao an’i Jerosalema.
Fiv: Fa vitan’ny Tompo izay tiany hatao.
2 Ny Tompo nanangona an’i Israely.
Fiv: Fa vitan’ny Tompo izay tiany hatao.
3 Ny Tompo namonjy izay nampahoriana.
Fiv: Fa vitan’ny Tompo izay tiany hatao.
4 Ny Tompo Tsitoha tsy refesi-mandidy.
Fiv: Fa vitan’ny Tompo izay tiany hatao.
5 Ny Tompo mamelon’ireo manan’aina.
Fiv: Fa vitan’ny Tompo izay tiany hatao.
6 Ny Tompo fitiavana mandrakizay.
Fiv: Fa vitan’ny Tompo izay tiany hatao.
TONONKIRAN’I MARIA (VII.)
Sas: Tsy mila masoandro ny Tanàna, na volana hanazava azy,
fa ny voninahitr’Andriamanitra no mamirapiratra ao aminy fa
ny Zanak’ondry no fanilony. (Apok 21,23)
Andininy: Lioka 1,46-55
1 Ny foko midera ny Tompontsika
Ny saiko mifaly amin’Andriamanitra
Noho Izy Mpamonjy nitsinjo ahy
‘Lay mpanompovaviny tsinontsinona.
2 Fa indro manomboka ankehitriny
Hantsoin’ny taranaka: „Sambatra“ aho.
Nahavita be tamiko ilay Mahefa
Ilay hoe: „Ny Masina no Anarany“.
3 ‘Lay mandrakizay ny indrafony
Am’ny olon-drehetra matahotra Azy,
‘Lay Tompo Mpandresy mahery sandry
Mampihahaka ireo ‘zay mpiavonavona.
4 Manongana ireo izay mpanjakazaka,
Kanefa manadratra ireo ambany;
Manototra soa an’ireo noana
Fa mampody maina an’ireo mpanana.
5 Mpanarina an’Israely olony
Satria mahatsiaro ny indrafony
Nampanantenainy ny Razantsika
Ho an’i Abrahama sy izay taranany.
6 ‘Lay Ray be fitiavana mba derao,
Hobio ‘lay Zanany tonga nofo,
Ar’ koa ‘lay Fanahy Mampiray antsika
Ho mandrakizay alaovalo!
Sas: Tsy mila masoandro ny Tanàna, na volana hanazava azy,
fa ny voninahitr’Andriamanitra no mamirapiratra ao aminy
fa ny Zanak’ondry no fanilony.
RANOMBAVAKA (VIII.)
Andeha isika hiantso an’i Kristy Mpamonjy amin’izao vavaka hariva izao:
fahazavana sy fanilo omena hitantana ny diantsika Izy, koa mahazo miantso
Azy amim-pitokiana isika:
Fiv: Vonjeo izahay, ry Tompo, noho ny hatsaramponao.
1 Niezaka hanaraka ny lalanao izahay androany, ry Tompo, nefa mbola misy haizina
ihany ny fiainanay, koa tolory tana-mamonjy izahay tsy ho rendriky ny haizin’ity alina ity.
Fiv: Vonjeo izahay, ry Tompo, noho ny hatsaramponao.
2 Ry Jesoa Mpiandry ondry mandrakizay ô, mba arovy ny Evekanay sy ireo rehetra
nofidinao hanompo ny Eglizy, mba halemy fanahy sy ho tsara fo tahaka Anao izy ireo.
Fiv: Vonjeo izahay, ry Tompo, noho ny hatsaramponao.
3 Ianao izay nangoraka ny vahoaka fahiny, mba omeo hanina sahaza azy ireo mosarena,
ary afaho amin’ny fitsapana mangeja azy ireo ‘zay enjehina.
Fiv: Vonjeo izahay, ry Tompo, noho ny hatsaramponao.
4 Ianao izay nanavao ny fon’i Zake, ampianaro hanaja ny rariny sy ny hitsiny
ny olon-drehetra, ka hifanaja marina izahay zandrinao.
Fiv: Vonjeo izahay, ry Tompo, noho ny hatsaramponao.
5 Hazavao ireo manana adidy hiandraikitra ny lalana sy hampiatra azy, mba hahitany
izay rariny hahasoa ny vahoaka.
Fiv: Vonjeo izahay, ry Tompo, noho ny hatsaramponao.
6 Aza hadino ireo nody mandry fa efa navotanao tamin’ny Rànao ka mba raiso hankeo amin’ny fanasanao mandrakizay.
Fiv: Vonjeo izahay, ry Tompo, noho ny hatsaramponao.
7 Fangatahana hafa
Fiv: Vonjeo izahay, ry Tompo, noho ny hatsaramponao.
Rainay any an-danitra ...
Ry Kristy fahazavana sy voninahitry ny Ray ô,
efa mihaalina izao ny andro,
ka aposahy ny fahamarinanao mba hanazava anay:
ary amin’izao takariva izao,
dia ampio ny fonay hahay hankasitraka ny soa ataonao,
sy hibebaka amin’ny tsy fahamarinana mahazatra anay,
Ianao izay velona sy manjaka ...
TSODRANO (IX.)
Mpitsodrano:
Ny Ray Tompon’ny tanimbary,
ny Zanaka nirahiny hamafy ny voa tsara,
ary ny Fanahy mampitsimoka ny voa anie
hanaisotra amin’ny fontsika ny voa ratsy,
ka hanome vokatra maharitra mandrakizay ao anatintsika,
ilay voa tsara nafafin’Izy Zanaka.
Valiny:
Misaotra e! Fa sitrak’Andriamanitra ny hahavonjy antsika!