Alakamisy II Vavaka Hariva

ANTSA (I.)

Iza no tena sambatra?

Fiv: Mba sambatra e izay mitia manompo,

tsy mitady ny ho tompoina e: Mba sambatra! (Mt 20,25-28)

1 ‘Zay manome sy mizarazara e

Ny kely an-tanany ho an’ny hafa,

Mihary lova soa ‘zay tsy mety simba:

Mba sambatra. (Lk 6,38)

Fiv: Mba sambatra e izay mitia manompo,

tsy mitady ny ho tompoina e: Mba sambatra!

2 Ireo miasa ho an’Izy Tompo,

Mahatsiaro tena fa hoe mpanompo:

Tsy mba mirehareha amin’ny asa vita,

Mba sambatra. (Lk 17,9-10)

Fiv: Mba sambatra e izay mitia manompo,

tsy mitady ny ho tompoina e: Mba sambatra!

3 Ireo mpanompo mahari-tory

Hamoha ny Tompo eny am-bavahady:

Ny Tompo no handroso sakafo ho azy,

Mba sambatra! (Lk 12,37)

Fiv: Mba sambatra e izay mitia manompo,

tsy mitady ny ho tompoina e: Mba sambatra!

4 Ireo nomen’Izy Tompo adidy,

Ka trany manatontosa izany:

Hatsangany ho mpitantana ny hareny,

Mba sambatra! (Mt 24,45-46)

Fiv: Mba sambatra e izay mitia manompo,

tsy mitady ny ho tompoina e: Mba sambatra!

5 Ireo enjehina noho ny Tompo,

Satria mpianany mahatoky.

Hantsoiny hoe sakaiza fa tsy mpanompo,

Mba sambatra! (Jo 15,14-15.20)

Fiv: Mba sambatra e izay mitia manompo,

tsy mitady ny ho tompoina e: Mba sambatra!

SALAMO (II.) 72 A (71 A)

Tsy avelan’Andriarnanitra hanararn-po amin’izao ny tsindry hazo lena.

Sas: Nirahina hitory Vaovao mahafaly i Kristy,

hitory Vaovao Mahafaly amin’ny malahelo. (Mt 11,5)

Andininy:

1 Andriamanitry ny fahamarinana ô,

Mba tolory ny andriana mpanapaka

Sy ny zanak’andriana ho dimbiny

Ny fahaiza-mitsara ara-drariny!

2 Ka ny vohitra hitrotro fiadanana

Ny havoana hivimbina ny hitsiny

Ny mahantra sy ny ory hotsimbininy

Ny mpamoritra kosa hofongorana.

3 Aoka haharitra ny fanapahany

Ka ho toy ny masoandro amam-bolana;

Dia hanahaka ny ando amy vilona,

Sy ny orana an-tany efa lonaka.

4 Amin’ny androny hamony ny rariny,

Ary mandra-pahafatin’ny volana

Dia hisy fandriam-pahalemana

Lavorary sy feno tanteraka.

5 Ranomasina n’ho sisintaniny,

Ary ny ony n’ho valam-parihiny;

Ka ny rafiny ombam-pahavalony

Handohalika sy hilavo lefona.

6 ‘Reo mpanjaka rehetra any andrefana

Dia hanoa ka hanefa ny hetrany,

Toy izany ny avy any atsinanana

Dia hanatona hanolotra hasina.

7 Ary hiankohoka eo anatrehany

Ny mpanjaka tsy misy avakavaka;

Ho avy ireo firenena isan-tokony

Mba hiaiky fa tena mpanompony.

8 Eny isaorana Ianao Andriamanitra,

Zanakao no nitondra fiadanana,

Fa manjaka aminay am-pitiavana,

Manamarina anay ny Fanahiny.

Sas: Nirahina hitory Vaovao mahafaly i Kristy,

hitory Vaovao Mahafaly amin’ny malahelo.

SALAMO (III.) 72 B (71 B)

Nisy ory sy mahantra angamba teo anilantsika; nanaovana herisetra, natao tsindrio fa lavo ...,

mba niandry famonjena! Amin’ny alalantsika anefa no tian’i Kristy hamonjena azy ireny.

Sas: Sambatra ny ory e, fa izy ireo indrindra

no nahatongavan’i Kristy halana alahelo. (Mt 5,5)

Andininy:

1 Izy hanafaka ny malahelo

Mitoloko tsy manan-kanampy,

Ny mahantra, ny ory, hovonjeny.

Hotsimbininy hatrany ny osa.

2 Ka halàny amin’ny herisetra

Fa ny ràny sarobidy tokoa

Ranombavaka anie homba azy

Rary soa mandritra ny andro.

3 Eran-tany rehetra am’izay,

‘Reo vary hananika havoana,

Ka ny vokatra koa toy izany,

Toa ny ala hita eny Libana.

4 Ny tanàna dia hiroborobo

Ka hitsiry toa ahitra an-tany

Ny Anarany hankalazaina

Sy haharitra toy ny masoandro.

5 Ary Izy no hatao fitahiana

Ireo foko manerana tany

Sady Izy no ho reharehan’

Ireo mponin’ny tany tontolo.

6 Eny isaorana anie Andriamanitra

Mahagaga ny asa nataony

Ka hisaorana mandrakizay

Zany Anarany tsy lefy laza.

7 Hoderaina ‘lay Ray be fitia

Sy ny Zanaka vonjin’ny ory,

Ny Fanahy mpanala alahelo

Aoka hisaorana mandrakizay!

Sas: Sambatra ny ory e, fa izy ireo indrindra

no nahatongavan’i Kristy halana alahelo.

TONONKIRA (IV) Apok 11,17-18; 12,10-12

Sas: Nandray ny fanjakany Andriamanitra Tompo,

fa Izy no nanao izao tontolo izao.

Nandray ny fanjakany Andriamanitra Tompo,

fa Azy izao rehetra izao.

Andininy:

1 Ry Andriamanitray, misaotra Anao izahay

Ry Mahefa, ry Taloha sy ankehitriny,

Fa naneho ny herinao tokoa Ianao,

Ka nandray ny fanjakana hoentinao!

2 Nihotakotaka avokoa ny firenena

Fa nipoaka kosa ny hatezeranao

Eny tonga ny fotoana fitsarana

Hanomezam-balisoa ny nodimandry.

3 Ts’iza izany fa ny Mpaminaninao

‘Reo mpanomponao sy ny olomasinao

‘Reo matahotra ao am-po ny Anaranao

Ny madinika rehetra sy ny ambony.

4 Indro tonga ankehitriny ny fotoana

Ka miseho ny Famonjena sy ny Hery

‘Zao tokoa no Fanjakan’Ilay Tsitoha

‘Lay Voahosony efa ombana Fahefana.

5 Indro lavo ilay mpiampanga ny havanay

‘Lay nifofo tsy an-kijanona azy ireo

Noreseny tamy ràn’ny Zanak’ondry

Tamy teny notazoniny ho fambara.

6 Izy manko tsy nandala loatra ny ainy

Na nikemo sy natahotra ho faty

O ry lanitra tontolo, mifalia

Mihobia, ry olomasina rehetra!

Sas: Nandray ny fanjakany Andriamanitra Tompo,

fa Izy no nanao izao tontolo izao.

Nandray ny fanjakany Andriamanitra Tompo,

fa Azy izao rehetra izao.

TENIN’ANDRIAMANITRA (V.) 1 Piera 1,22-23

Efa nandio ny fonareo tamin’ny fanarahana ny Fahamarinana ianareo, ka afa-miaina

sy manatanteraka ny Fitiava-namana tsisy famahony. Koa mifankatiava amin’ny fo

mahitsy, ary mahareta amin’izany fa efa nateraka indray ianareo, tsy tamin’ny fahalòvana

fa tamin’ny Aina tsy mety simba mandrakizay, dia ny Tenin’Andriamanitra, izay velona

sy ao aminareo mandrakariva.

VALINKIRA (VI.)

Fiv: Mampiombona antsika. (1 Kor 10,16)

1 Ny kalisim-pisaorana ‘zay raisintsika

Fiv: Mampiombona antsika.

2 Ny mofom-pisaorana zaraintsika

Fiv: Mampiombona antsika.

3 Ny kalisim-pisaorana: Ràn’Izy Tompo

Fiv: Mampiombona antsika.

4 Ny mofom-pisaorana. Vatan’ny Tompo

Fiv: Mampiombona antsika.

5 Andriamanitra Ray ‘zay nanangana antsika

Fiv: Mampiombona antsika.

6 Fitiavan’ny Zana ka namonjy antsika

Fiv: Mampiombona antsika.

7 Ireo fanomezana nomena antsika

Fiv: Mampiombona antsika.

TONONKIRAN’I MARIA (VII.)

Sas: Sitrak’Andriamanitra ny nampihavana ny olombelona taminy,

sy nampihavana antsika rehetra ao amin’i Kristy. (Ef 2,16)

Andininy:

1 Ny foko midera ny Tompontsika

Ny saiko mifaly amin’Andriamanitra

Noho Izy Mpamonjy nitsinjo ahy

‘Lay mpanompovaviny tsinontsinona.

2 Fa indro manomboka ankehitriny

Hantsoin’ny taranaka: "Sambatra“ aho.

Nahavita be tamiko ilay Mahefa

Ilay hoe: "Ny Masina no Anarany“.

3 ‘Lay mandrakizay ny indrafony

Am’ny olon-drehetra matahotra Azy,

‘Lay Tompo Mpandresy mahery sandry

Mampihahaka ireo ‘zay mpiavonavona.

4 Manongana ireo izay mpanjakazaka,

Kanefa manadratra ireo ambany;

Manototra soa an’ireo noana

Fa mampody maina an’ireo mpanana.

5 Mpanarina an’Israely olony

Satria mahatsiaro ny indrafony

Nampanantenainy ny Razantsika

Ho an’i Abrahama sy izay taranany.

6 ‘Lay Ray be fitiavana mba derao,

Hobio ‘lay Zanany tonga nofo,

Ar’ koa ‘lay Fanahy Mampiray antsika

Ho mandrakizay alaovalo!

Sas: Sitrak’Andriamanitra ny nampihavana ny olombelona taminy,

sy nampihavana antsika rehetra ao amin’i Kristy. (Ef 2,16)

RANOMBAVAKA (VIII.)

Aoka isika hiray fo sy hiray saina hangataka ny fitantanan’i Kristy Zokintsika

fa nampanantena hitoetra eo amintsika Izy, raha miray hina marina isika:

Fiv: Mitoera eto aminay, ry Tompo ô! (Lk 24,29)

1 Ry Kristy ô, Ianao irery no lohan’ny Eglizy, koa mba tahio sy ombao ny Fanahinao

ny Papa ... mpanomponao, fa izy no famantarana anambaranao ny fifandraisanay

mpianatrao.