Alarobia IV Vavaka Hariva

ANTSA (I.)

1. Tompo ô, inona re no atolotro Anao

Mba hisaorako Anao e

Amy soa sesehena vitanao?

Atolory Ahy ireny tanam-polonao,

Hofenoiko raki-tsoa tena ampoka.

Valiny: Eny e, Tompo ô,

Atolotro Anao amim-pitokiana izany

Hisaorako Anao e:

Misaotra e, mankasitraka, mankatelina.

2. Tompo ô, inona re no atolotro Anao

Mba hisaorako Anao e

Am’ireo raki-tsoa nafafinao?

Atolory Ahy ireny faharerahanao,

Hosoloiko hery vao tsy hay toherina.

Valiny: Eny e, Tompo ô,

Atolotro Anao amim-pitokiana izany

Hisaorako Anao e:

Misaotra e, mankasitraka, mankatelina.

3. Tompo ô, inona re no atolotro Anao

Mba hisaorako Anao e

Amy hery tsy hay tohaina sitrakao?

Atolory Ahy ireny tsy fahaizanao,

Hosoloiko fahendrena tsy hay toherina.

Valiny: Eny e, Tompo ô,

Atolotro Anao amim-pitokiana izany

Hisaorako Anao e:

Misaotra e, mankasitraka, mankatelina.

4. Tompo ô, inona re no atolotro Anao

Mba hisaorako Anao e

Amy fahendrena soa navelanao?

Atolory Ahy ireny fahorianao

Hosoloiko fanavotana ny namana.

Valiny: Eny e, Tompo ô,

Atolotro Anao amim-pitokiana izany

Hisaorako Anao e:

Misaotra e, mankasitraka, mankatelina.

5. Tompo ô, inona re no atolotro Anao

Mba hisaorako Anao e

Amy fanavotana sarobidy?

Atolory Ahy ireny helokao ireny

Hosoloiko ‘lay Fitiavana tsy levona.

Valiny: Eny e, Tompo ô,

Atolotro Anao amim-pitokiana izany

Hisaorako Anao e:

Misaotra e, mankasitraka, mankatelina.

(2 Kor 8,9; 1 Kor 1, 27; 2 Kor 12,10; Lk 21,15; 2 Kor 4,10-12; Kol 2,1; Lk 7,47)

SALAMO (II. + III.)139 A (138 A)

Sas: Na mbola tsy mangataka amin’ny Ray aza ianareo,

dia efa fantany, eny e, izay ilainareo. (Mt 6,8)

Andininy:

1. Ianao, ry Tompo ô, eh! mandinika ny amiko

Ary mahafantatra ahy.

2. Na handry hatory aho, na hitsangana hifoha,

Dia fantatrao izany.

3. Na any lavitra aza Ianao, dia efa azonao an-tsaina

Ny ao an’eritreritro ao.

4. Dia eo ambany masonao ny atoriako sy alehako;

Mahazatra Anao ny lalako.

5. Fa ny teny mbola tsy ao am-bavako aza moa, ry Tompo,

Efa fantatrao daholo.

6. Na aloha na aoriana, dia voambombanao aho,

Ny tananao miaro ahy.

7. Fahalalana mahagaga ambony loatra ho ahy izany,

Avo loatra ka tsy takatro?

8. Aiza moa no handehanako handosirako lavitra

Ny Fanahinao misaina ahy?

9. Ary aiza no handehanako handosirako any lavitra

Ny salovan-tavanao?

10. Na miakatra mananika ny lanitra aza aho,

Dia indro any Ianao.

11. Na dia mandry mitakiky any anatin’ny Seoly aza,

Dia indro eo Ianao.

12. Na halaiko aza ny elatry ny mazava atsinanana

Hilasiako andafin-driaka,

13. Dia ny tananao ihany no mitarika ahy ho any,

Ny tananao no mihazona ahy.

14. Ka hoy aho manao hoe: hanarona ahy, hiafenako

Ny haizina mikitroka.

15. Fa manjary hazavana manodidina ahy ny alina,

Ary na ny haizina aza

16. Tsy mba maizina aminao, ary ny alina toy ny andro

Ka mazava dia mazava.

* * *

17. Eh! Ianao

No nahary ny ao anatiko, ka namolavola ahy

Tao anaty kibondreniko.

18. Midera Anao aho

Fa izaho dia zava-mahagaga; ny asanao dia igagana

Mampiaiky ny fanahiko.

19. Ary ny amiko

Tsy niery taminao, tamin’ny namoronana ahy

Tao anatin’ny miafina;

20. Novolaina

Tao anaty kibon-tany. Izaho tsy mbola ary fomba,

Dia efa tazanao sahady.

21. Ka voasoratra

Amin’ny bokinao sahady ny androm-piainako rehetra,

Na tsy mbola nisy aza.

22. Andriamanitra ô!

Eh! tsy takatry ny saina ny eritreritrao ho ahy;

Ny hamaroany mahazendana;

23. Raha isaiko,

Tena maro noho ny fasika. Dia taitra aho, mifoha,

Mbola miaraka aminao.

24. Andriamanitra!

Mba zahao izay mba toetrako, dia fantatrao ny ao am-poko,

Ka sedrao re ny tenako.

25. Dia fantaro koa

Ny eritreritro miafina. Koa jereo sao mizotra

Amin’ny lalana mamitaka.

26. Tariho aho

Sy tantano mba hizotra amin’ny lalan’ny fiainana,

Dia fiainan-tsisy fetra.

27. O ry Ray,

Hoderaina anie Ianao, Ilay nahary anay rehetra,

Tam-pitiavan-dehibe.

28. O ry Zanaka,

Miangavy indrafo avy aminao izahay mpanota,

Rahefa hitsara anay Ianao.

29. Ry Fanahy,

Ianao mpisolovava anay zanak’Andriamanitra,

Amin’ny andro farany any.

Sas: Na mbola tsy mangataka amin’ny Ray aza ianareo,

dia efa fantany, eny e, izay ilainareo.

TONONKIRA (IV.) 1 Joany 4,13-18

Fiv: Fitiavana Andriamanitra!

1. Koa ny ahafantarantsika fa ao aminy ary isika,

Ary Izy monina ao amintsika;

2. Dia izao ny nanomezany antsika ny Fanahiny.

Izahay vavolombelona nahita,

3. Manambara fa ny Ray dia naniraka ny Zanany

Ho Mpamonjy an’izao tontolo izao.

4. Izay miaiky fa i Jesoa no Ilay Zanak’Andriamanitra

Dia monina ao aminy Andriamanitra,

5. Ary izy kosa monina ao amin’Andriamanitra,

Eny, monina ao amin’Andriamanitra.

6. Izahay dia nahafantatra ary nino ny fitiavana

Izay ao amin’Andriamanitra ho antsika.

7. Koa ny olona izay monina ao amin’ny fitiavana

Dia monina ao amin’Andriamanitra,

8. Ary Izy Andriamanitra dia monina ao aminy.

Andriamanitra, eny e, dia Fitiavana!

Fiv: Fitiavana Andriamanitra!

TENIN’ANDRIAMANITRA (V.)Hebr 7,25-26

Mahavonjy marimarina an’ireo manatona an’Andriamanitra amin’ny alalany i Jesoa,

satria velona mandrakizay hanao fifonanana ho azy ireo Izy. Eny tokoa, Mpisorombe

toy izao no sahaza antsika: masina, tsy manantsiny, tsy misy pentina, voaavaka amin’

ny mpanota, voasandratra avo noho ny lanitra.

VALINKIRA (VI.)

Fiv: Eny hoy aho, eny e Jesoa: Kristy izay mangataka ho antsika! (Hebr 7,25)

1. Dia Ilay Zanaka malalan’Izy Ray e!

Nahavita izay sitrany rehetra. (Jo 7,4; 19,30)

Fiv: Eny hoy aho, eny e Jesoa: Kristy izay mangataka ho antsika!

2. Ka niantso ny mpanota ho sakaiza. (Jo 15,15)

Nietry tena mba hitovy amintsika. (Fil 2,7-8)

Fiv: Eny hoy aho, eny e Jesoa: Kristy izay mangataka ho antsika!

3. Dia niaina sy nijaly toa antsika

Mba ho vonjin’ny taranak’olombelona. (Hebr 4,15-16)

Fiv: Eny hoy aho, eny e Jesoa: Kristy izay mangataka ho antsika!

4. Eny, masina, tsy manan-tsiny koa (Hebr 7,26)

Sy mitoetra eo ankavanan’ny Nahary. (Hebr 1,13)

Fiv: Eny hoy aho, eny e Jesoa: Kristy izay mangataka ho antsika!

TONONKIRAN’I MARIA (VII.)

Sas: Sambatra kokoa izay manome noho izay mandray, hoy ny Tompo;

Sambatra kokoa izay manome noho izay mandray, Aleloia! (Asa 20,35)

(Asolo ny Aleloia: Hoy ny Tompo)

Andininy:

1 Ny foko midera ny Tompontsika

Ny saiko mifaly amin’Andriamanitra

Noho Izy Mpamonjy nitsinjo ahy

‘ Lay mpanompovaviny tsinontsinona.

2 Fa indro manomboka ankehitriny

Hantsoin’ny taranaka: "Sambatra" aho.

Nahavita be tamiko ilay Mahefa

Ilay hoe: "Ny Masina no Anarany".

3 ‘ Lay mandrakizay ny indrafony

Am’ny olon-drehetra matahotra Azy,

‘ Lay Tompo Mpandresy mahery sandry

Mampihahaka ireo ‘zay mpiavonavona.

4 Manongana ireo izay mpanjakazaka,

Kanefa manadratra ireo ambany;

Manototra soa an’ireo noana

Fa mampody maina an’ireo mpanana.

5 Mpanarina an’Israely olony

Satria mahatsiaro ny indrafony

Nampanantenainy ny Razantsika

Ho an’i Abrahama sy izay taranany.

6 ‘ Lay Ray be fitiavana mba derao,

Hobio ‘lay Zanany tonga nofo,

Ar’ koa ‘lay Fanahy Mampiray antsika

Ho mandrakizay alaovalo!

Sas: Sambatra kokoa izay manome noho izay mandray, hoy ny Tompo;

Sambatra kokoa izay manome noho izay mandray, Aleloia!

RANOMBAVAKA (VIII.)

Nahoana no mitady tokin’aina etsy sy eroa isika? Tsy ampy antsika ve i Jesoa naneho ny Fitiavany sy ny Heriny?