Izay mamboly sy izay manondraka dia tsinontsinona avokoa,
satria ny Tompo ihany no mampitsimoka ny voa (1Kor 3, 7)
1- Raha tsy ny Tompo no manorina ny trano
zary miasa foana 'zay manorina azy ireny,
raha tsy ny Tompo no miaro ny tanàna,
zary miandry foana ny mpiambina mitily.
2- Eny sasa-poana ianareo miari-tory,
taitra vao maraina nefa zara raha mba voky.
Hafa ny olon-tiana fa matory tsy manahy ;
mbol'eo am-pandriana dia tolorany sakafo
3- Indro koa ny zanaka fa lova avy amy Tompo
valisoa tokoa anie 'reo menaky ny aina !
Hery ny tsipîka eny an-tanana mpiady,
hery koa ny zanaky ny fahatanorana !
4- Sambatra 'zay nameno kotra tam'ireny,
sambatra satria mahazo toky fa handresy !
Tsy hitsanga-mentra raha misy fahavalo,
hiharihary marina tokoa ny fandreseny !
5- Saotra no atolotra ny Ray miahy antsika,
dera ho an'ny Zanaka 'zay eo anivontsika !
Ary ny Fanahy 'zay itsofandrano antsika,
aoka ho deraina amin'ny asa vitantsika.