Sas :
I Kristy no naharian'Andriamanitra an'izao rehetra izao :
I Kristy no itsimbinan'Andriamanitra an'izao rehetra izao ;
I Kristy no hamondronan'Andriamanitra an'izao reehtra izao,
rehefa feno ny fotoana.
1 - Miderà ny Tompo ianareo 'zay any an-danitra any,
Miderà ny Tompo ianareo rehetra monina any,
Miderà ny Tompo ianareo anjeliny rehetra,
Miderà ny Tompo ianareo, ry tafiny rehetra.
2 - Miderà ny Tompo, ô ry volana omba-masoandro,
Miderà ny Tompo ianareo, ry kintana mazava ;
Miderà ny Tompo ianareo, ry lanitra avo indrindra,
Miderà ny Tompo ianareo ry rano mitatao.
3 - Aoka ireo hidera ny Anara-masin'Izy Tompo,
Fa tsy nisy ireo raha tsy didy avy Aminy tokoa :
Izy Tompo ihany no nametraka azy tsy hiova,
Ka nametra izany ho lalàna mafy tsy dikaina.
4 - Ianareo mpanjaka, ianareo vahoaka ts'hita isa,
Ianareo andriana, ianareo mpitsara ny tontolo,
Ianareo zatovo tsy ankanavaka eran-tany,
Ianareo ankizy sy ny zokiolona rehetra.
5 - Aoka ireo hidera ny Anara-masin'Izy Tompo,
Fa ny Anara-masiny no avo hany mendri-kaja,
Ka ny fiamboniany avo noho ny lanitra sy tany,
'Reo mpanompo Azy faly mankalaza sy midera.
6 - Ts'iza akory fa ny firenena Israely,
'Lay vahoaka tiany, nolalaina hatrany, aleloia !
Zanakao, ry Ray, no miantso anay mba hidera,
Ny Fanahinao izay nomeny anay, momba anay.