Eny e lavitra ny Tompo isika ( Salamo 42 )
Fiv: Eny e lavitra ny Tompo isika
Raha mbola aty an-tsesitany
Nefa kosa ny Fanahy
Efa antoka ho antsika e. ( 2 Kor 5, 5-6 )
1. Omeo rariny aho Andriamanitro
Hanohitra 'reo tsy mpivavaka
Afaho amin'olo-mpamitaka,
Ianao no Andriamanitra mandako.
2. Nahoana aho re no nilaozana
Nanjary hanamparan'ny rafiko?
Tsilovy aho ahita ny lalana
Tariho mba hahita Azy marina.
3. Hitody ao am-bohitrao masina
'Lay toerana ataoanao fonenana;
Handroso aho ry Tompo Andriamanitro
Higoka ny tena hasambarako.
4. Valiha no hanaraka ny hirako
Hidera ny Tompo Andriamanitro.
Nahoana no ory ato anatiko,
Toa ketraka ianao, ry fanahiko?
5. Angaha manadino Andriamanitra?
Ao aminy hatrany no ifaharana;
Izaho mbola hidera ny Anarany
Fa vonjy Izy sady Andriamanitro.
6. Deraiko Izy Tompo Andriamanitro,
Izaho nampidiriny an-tranony
Ho zanaka tahaka ny Zanany
Rahefa mandray ny Fanahiny!