Fiv : Efa teraka ao Betlehema
I Jesoa Zanak'Andriamanitra ;
Efa teraka ao Betlehema
Derao ny Mpanavotra antsika.
1 - Mba jereo, ry Kristianina, 'lay Zazakely mitomany ;
Mba jereo, ry Kristianina, ny manjo an'ny Tompontsika.
2 - Ny fitoerana nofidiny dia ny tranon'omby ratsy,
Ny fitoerana nofidiny mampitsetra ny fo rehetra.
3 - Inona no tokony hoentintsika ho an'i Jesoa Zazakely,
Inona no tokony ho entintsika, inona moa raha tsy ny fo ?
4 - Omenay Anao ry Jesoa, ny fonay sy ny tenanany ;
Omenay Anao ry Jesoa, raiso ny fanomezanay.
5 - Mankanesa amin'i Jesoa, ry mpanjaka avy antsinanana,
Mankanesa amin'i Jesoa, hanome Azy fanajana.
6 - Anao ny fahefan-drehetra, ry Jesoa Tompo maminay
Anao ny fahefan-drehetra, manjaka aminay Ianao.