Tsy zakan'ny olombelona novesaran'ota ny marina
Tsy zakany ka novonoiny tsy ho eo anivony ny Tompo !
1- Fa 'Jesoa Tompo Filohantsika,
dia olona afaka lalandava :
tsy nety nandefitra ny tsy rariny,
ka tsy mba voafatotry ny henamaso !
Eny ê! eny ê, 'zany tokoa ny Filohanatsika ,
Eny ê! eny ê, 'zany tokoa i Jesoa Tompo.
2- Fa 'Jesoa Tompo Filohantsika,
Nahatafitohina ny vahoaka :
satria sahy nanandratra ireo ambany,
'reo fanosihosin'ny mpiara-belona !
3- Fa 'Jesoa Tompo Filohantsika,
dia nohelohin'ny fitsarana
satria sahy nitsipaka izay lalàna
namoritra ny olona tsy ho afaka !
4- Fa 'Jesoa Tompo Filohantsika,
nandidy antsika hifankatia :
tsy nety nanaiky ny valy faty,
nampianatra antsika hifamela heloka !
5- Fa 'Jesoa Tompo Filohantsika,
dia nanambara amin-kasahiana :
fa hoe Zanaka tian'ny Ray
isika olombelona tsy ankanavaka