I Iaveh no mpiandry ahy
Inona moa no hahatahotra ahy ?
Isan’andro vaky tantanany aho
Ho any am-paradisany
Izy no Ray mivimbina ny aiko,
Sy manome hasoavan-dehibe :
Jesoa Kristy no tena mofon’aina,
Ka omeny ahy ho fihinako.
Ho sasa-poana izay mialoha ahy,
F’izaho anie arovan’i Iaveh :
Jesoa Kristy no tena famonjena,
Ka ny sitrapony tanterahiko.
Indraindray ny fiainana eto an-tany
Toa maizim-be, toa rako-drahona :
Jesoa Kristy no tena hazavana,
Ka omeny ahy ny faniloko.
Raha tonga izay handaozana ny tany,
Irery anie ny olombelona :
Jesoa Kristy no Zoky be fitia,
Ka omeny ahy mba ho tokiko.