Miara-mizotra

Miara-mizotra isika ho any

Jerosalema vaovao

Ka tsy hisara-mianakavy

fa hifanatri-tava amin'ny Ray

Mandrakizay ! (Apok. 21, 24 sy 22, 4)

1- Izao no ho tonga any am-parany any,

ny vohitra misy ny Tompontsika

dia hanerinerina ambony havoana,

ho sangan'ireo tendrombohitra avo.

2- Hirohotra ho any ny firenena,

hanao ranolava hifampitaona

"Andeha isika hiakatra ny tanàna

Fonen'Andriamanitr'i Jakoba.

3- Fa hanoro antsika ny lalany Izy

mba hizorantsika manaraka Azy

I Siona manko no loharano

Ipoiran'ny Teniny sy ny lalàny."

4- Ny Tompo hampihavana ny vahoaka

hitsara ireo adin'ny firenena

hovàna ny sabatra ho fangady

ny lefona ho antsy fijinjana.

5- Ho foana tokoa ny adim-pirenena

hitsahatra koa ny fianarana ady

tongava ianareo terak'i Jakoba

Atony ny Fahazavan'ny Tompo.

6- Hanantona hidera ny Ray isika,

fa avo sy Masina indrindra Izy :

nambarany antsika ny sitrapony

Ho masina tsy hanan-tsiny isika.