Salamo 83
Fiv: Mahatehotia, mahasondriana
‘Zany tranona, ry Iaveh.
1. Onena endrey ny fanahiko
Misento manina ny kianjanao, ry Tompo:
Mientana aminao ny foko sy ny nofoko.
2. Ny fody mahita fonenana,
Ny sidintsidina mahita izay ankany:
Endrey ny otelinao, ilay fonenanao, ry Tompo ô.
3. Sambatra izay monina ao,
Dia sambatra tokoa midera Anao, ry Tompo:
Dia sambatra izy ireo, fa heriny Ianao, Andriamanitra ô.
4. Ilay lohasaha karakaina
No indro, Tompo ô, fa nisy loharano:
Ka nankahery anay, tsodrano fanambinana re!
5. Nandroso izahay ka niakatra,
Dia tody soa aman-tsara eto anatrehanao:
Mivavaka aminao, ka mandrenesa Ianao, Andriamanitra ô.
6. Ry Tompo Andriamanitr’Israely,
Henoy fa miantso Anao ilay vahoakanao:
Ilay voahosotrao tazano fa miandrandra Anao.
7. Aleo andro iray, Andriamanitra ô.
Aty an-tranonao, ho eto akaikinao:
Toy izay arivo taona miaraka amin’ny olon-dratsy.
8. Ampinga sy manda ny Ray anie,
Ka reharehanay ilay nanao ny aina:
Mba sambatra tokoa izay matoky Anao, Andriamanitra ô.