1 Atolotro anao, Andriamanitra ô,
Atolotro ny tenako rehetra ;
Omeko anao ho varo-tsy mifody :
Ry Tompo ô, raiso re raha sitrakao.
Mba raiso na tsy mendrika aza,
Mba ho anao mandrakizay.
2 Izaho anefa olona mpanota
Ny sitrapo malemy sady osa ;
Kanefa re matoky ny fonao :
Ry Tompo ô, ianao no heriko.
3 Mba sambatra aho fa manompo anao,
Ny heriko natokako ho anao ;
Hatramin’ny fara fofon’aiko,
Ry Tompo ô, tsy hivadika aminao.