Feon'ny Fitiavana

Injay fa miantso ahy, ny feon'ny Fitiavana

Manohina ny fiainako, ka tsy azoko andosirana

Mahery vaika mantsy ka tsy azoko ampanginina ary tsy azoko andosirana

Ilay feon'ny Fitiavana maniraka ny zanany ho fiainana arahina

Ka raisiko ny anjarako, hizorako ny lalako (in-2).

1- Mba tsofy rano tsara re ry Dada sy ry Neny

'ty zanaka hiainga mba hanefa ireo adidy

any ho any kosa aho hahatsiaro anareo e, handefa tonom-bavaka

Mba tsofy rano tsara re, 'ty mpivahiny 'ty e )

fa sarotra ny lalana ka mila ny tso-drano hanambina ny diako ) in-2

2- Mba tsofy rano tsara re ry zoky sy ry zandry

'ty havana hiainga mba hanefa ireo adidy

any ho any kosa aho hahatsiaro anareo e, handefa tonom-bavaka

Mba tsofy rano tsara re, 'ty mpivahiny 'ty e )

fa sarotra ny lalana ka mila ny tso-drano hanambina ny diako ) in-2