FANAINGANA (I.)Sal 100 (99)
Ndeha hankalazaintsika ilay Zanak’Ondry Mpanjakantsika, miaraka amin’ireo Razana rehetra sy ny Fiangonana.
Fiv: Ndeha isika hanao hira vao eo anatrehan’ny Fiketrahan’Andriamanitra, eo anoloan’ny Zanak’Ondry.
1 Hobio Izy Tompo, ry tany tontolo ka fo falifaly anompoana ny Tompo.
2 Tongava eo Aminy mihira miravo; ekeo fa ny Tompo no Andriamanitra!
Fiv: Ndeha isika hanao hira vao eo anatrehan’ny Fiketrahan’Andriamanitra, eo anoloan’ny Zanak’Ondry.
3 Fa Azy isika satria noariny sy tena vahoakany, ondry fiandriny,
4 Ireo vavahadiny idiro amin-tsaotra, ny ao an-kianjany idiro amin-dera,
Fiv: Ndeha isika hanao hira vao eo anatrehan’ny Fiketrahan’Andriamanitra, eo anoloan’ny Zanak’Ondry.
5 Derao Izy Tompo, ny Anarany isaory. Miaiky isika fa tsara ny Tompo,
6 Fa mandrakizay ny fitiavany antsika, am’taona rehetra ny fahamarinany.
Fiv: Ndeha isika hanao hira vao eo anatrehan’ny Fiketrahan’Andriamanitra, eo anoloan’ny Zanak’Ondry.
7 Andeha isika hiara-mitsaoka ny Tompo, hihoby ‘Lay Zanany ombam-pahefana,
8 Derao ny Fanahy manamasina antsika, Manentana antsika hihoby ny Tompo.
Fiv: Ndeha isika hanao hira vao eo anatrehan’ny Fiketrahan’Andriamanitra, eo anoloan’ny Zanak’Ondry.
ANTSA (II.)
Ny fifampizarantsika hafaliana sy fitiavana no santatry ny hasambarana
hoentin’i Kristy, Ilay nandresy ny fahafatesana.
1 Mifohaza ary koa mifalia, Ry olo-matory eto an-tany.
Miravoravoa re satria i Jesoa nitsangana androany.
2 I Jesoa nitsangana androany, Mba ho araka ny efa nambara
Hijaly tokoa i Kristy Fa hatsangan’ny Tompon’ny aina.
3 Natsangan’ny Tompon’ny aina, Ilay nohelohin’ny mpanota.
Ka mino isika fa Izy No Jesoa Mpamonjy ny olona.
4 I Jesoa Mpamonjy ny olona, Dia tena Andriamanitra marina.
Isika koa vita Batemy Nahazo ny ain’Andriamanitra.
5 Nahazo ny ain’Andriamanitra, Isika nateraka indray
Tarihin’ny Fanahin’ny Tompo, Fitiavana sy Hafaliana.
6 Fitiavana sy hafaliana No aoka homentsika ny ory.
Ho santatry ny hasambarana. Hoentin’i Kristy hiverina.
7 Hoentin’i Kristy hiverina Amin’ny Voninahitry ny Ray;
Hanangana ny nofo rehetra, Hampiray ny voaary ao aminy.
SALAMO (III.)83 (82)
Tsy i Kristy ve no loharano tovozin-tsy ritra ary rano fanala kenda?
Koa zovy, iza no mbola hangetaheta ambony lakana?
Sas: Raha misy mangetaheta, aoka izy hanatona Ahy ka hisotro. (Jn 7,37)
Andininy:
1 Andriamanitra, Andriamanitra ô, maniry Anao aho.
Mangetaheta Anao ny fanahiko.
2 Matimaty Anao ny nofoko:
mova tsy tany maina sy mangentana, maniry rano!
3 Toy ny nahitako Anao tao amin’ny toerana masina,
sy nibanjinako ny hery sy ny voninahitrao
4 fa tsara noho ny aina ny hatsaram-ponao
ka ny molotro mankalaza Anao;
5 toy izany koa no hisaorako Anao raha mbola velona aho,
sy hanandratako tanana amin’ny Anaranao:
6 ka ny fanahiko ho toy ny voky sakafo soa;
ny molotro hihoby, ny vavako hidera!
7 Eo am-pandriana avy aho no mahatsiahy Anao;
tontolo alina, any Aminao ny eritreritro:
8 fa Ianao no mpitahy ahy!
mibitaka aho alofan’ny Elatrao;
9 ny fanahiko mifikitra Aminao
ny Tananao mihazona ahy!
10 Ireo mitady hanimba ny fanahiko
he! mizotra any amin’ny fanambanin’ny tany,
11 hatolotra eo am-pelatanan’ny sabatra,
ho anjara tantan’ny amboadia!
12 Ny mpanjaka kosa mifaly ao amin’Andriamanitra;
miravo izay rehetra mianiana aminy;
fa mikombona kosa ny vavan’ny mpandainga!
Sas: Raha misy mangetaheta, aoka izy hanatona Ahy ka hisotro.
TONONKIRA (IV.)Daniely 3,57-88.56
Afaka olan-teny ny voaary tontolo manana antsika olombelona
mankalaza ny Ray miaraka amin ‘i Kristy.
Sas: Raha izao tontolo izao dia tsy an’iza fa anareo. Nefa ianareo
an’i Kristy Tompo e, ary i Kristy an’Andriamanitra. (1 Kor 3,22-23)
Andininy:
Isaory ny Tompo, ianareo rehetra asan’ny Tompo
Ankalazao sy asandrato indrindra mandrakizay.
Isaory ny Tompo, ry tendrombohitra sy havoana!
Isaory ny Tompo, ry zava-maniry rehetra eran-tany
Isaory ny Tompo, ry loharano!
Isaory ny Tompo, ry ranomasina sy ony!
Isaory ny Tompo, ry trozona sy izay mihetsika anaty rano!
Isaory ny Tompo, ry voron’ny lanitra rehetra!
Isaory ny Tompo, ry biby fiompy sy bibidian’ny tany!
ankalazao sy asandrato indrindra mandrakizay;
Isaory ny Tompo, ry zanak’olombelona!
Isaory ny Tompo, ry Israely!
Isaory ny Tompo, ry mpisorona!
Isaory ny Tompo, ry mpanompo!
Isaory ny Tompo, ry saina amam-panahin’ny olomarina!
Isaory ny Tompo, ry olomarina sy mpanetry tena ao am-po!
Isaory ny Tompo, ry Anania sy Azaria, sy Misaely:
ankalazao sy asandrato indrindra mandrakizay!
isaorana Ianao, ry Tompo, eny amin’ny habakabaka:
mendrika ny laza sy ny voninahitra mandrakizay!
Sas: Raha izao tontolo izao dia tsy an’iza fa anareo. Nefa ianareo
an’i Kristy Tompo e, ary i Kristy an’Andriamanitra.
SALAMO (V.)149
Misy firenena ankehitriny mandà an’i Kristy. Hitompo teny fantatra ve
izy ireo sa hiova fenitra, ka hitodika amin’ny Tompo?
Sas: Nataon’Andriamanitra ho mpandova ny zavatra rehetra i Kristy. (Hb 1,2)
Andininy:
1 Ihirao hira vao ny Tompo
Derao ao am-piangonan’ny mpivavaka Izy.
2 I Israely aoka hifaly amin’Ilay nanao azy;
ny zanak’i Siôna hiravo amin’ilay Mpanjakany,
3 hidera ny Anarany amin-dihy,
hiantsa Azy amin’amponga sy lokanga!
4 Fa sitraky ny Tompo ny vahoakany;
ravahany fandresena ny ory!
5 Ny mpivavaka aoka hientana amin’ny voninahiny,
sy hanao hobin-kafaliana ara-pomba:
6 am-bava, fankalazana an’Andriamanitra;
an-tanana, sabatra roa lela:
7 hamaliana an’ireo firenena,
sy hamaizana an’ireo vahoaka:
8 ka ny mpanjakany hogiazina amin-gadra,
ny loholony amim-parapaingo!
9 Ny mampihàtra amin’ireny ny fitsarana voasoratra
no voninahitry ny mpivavaka aminy rehetra!
Sas: Nataon’Andriamanitra ho mpandova ny zavatra rehetra i Kristy.
TENIN’ANDRIAMANITRA (VI.)Apok 7,12
An’Andriamanitra mandrakizay ny dera amam-boninahitra, ny fahendrena
Amam-pankasitrahana, ny haja amam-boninahitra, ary ny hery! Amen.
VALINKIRA (VII.)Salamo 33,2-3
Fiv: O, amin’ny fotoana rehetra izaho misaotra ny Tompo,
ary eo am-bavako mandrakariva ny fiderana Azy.
1 Ny Tompo hafinaretan’ny fanahiko,
Mandrenesa, ry ory, ka mifalia.
Fiv: O, amin’ny fotoana rehetra izaho misaotra ny Tompo,
ary eo am-bavako mandrakariva ny fiderana Azy.
2 Voninahitra anie ho an’ny Ray sy ny Zanaka
Sy ny Fanahy Masina.
Fiv: O, amin’ny fotoana rehetra izaho misaotra ny Tompo,
ary eo am-bavako mandrakariva ny fiderana Azy.
TONONKIRAN’I ZAKARIA (VIII.) (Lk 1,68-79)
I Kristy no fahazavan’izao tontolo izao; isika mpianany koa
jiro fanala haizin’ireo manodidina antsika.
Sas: Nofidina isika mba hitory ny hatsaran’ilay niantso antsika