Azafady Tompoko, Maniry tompoko mba hampitaina ny hafatra any amin'ireo Mpitondra fivavahana katolika eto Madagasikara, mba hatsangana ny Mpiandry na izay azo hatao anarany, raha tsy mety ny Laika dia ireo mpianatra ho relijiozy Frera na Masera no hofanina, kanefa tena tsara indrindra raha Laika satria sehatra ahafahan'ireo Kristiana manatanteraka ny hafatr'i Jesoa ao amin'i Marka 3: 13-15 "13Ary niakatra tamin'ny tendrombohitra anankiray izy, ka niantso izay tiany hankeo aminy, dia nankeo aminy ireo. 14Ary nanendry roa ambin'ny folo lahy izy hiara-kitoetra aminy sy hirahiny hitory teny, 15sady hanam-pahefana hanasitrana ny aretina sy handroaka ny demony." sy Matio 10:7-8 "7Ary raha mandeha hianareo, mitoria hoe: Efa akaiky ny fanjakan'ny lanitra. 8Sitrano ny marary, atsangano ny maty, diovy ny boka, roahy ny demony: nahazo maimaim-poana hianareo, koa manomeza maimaim-poana." mino aho fa ho maimaim-mpoana tokoa no hanatanterahan'ireo Laika izany fa tsy hisy olana eo amin'ny ara-bolan'ny Fiangonana izany, ary toy ny fikambanana masina rehetra ao ampiangonana toy ny Garde d'honneur sy ny maro hafa rehetra izany, Mino aho fa hisy ny Antso'Andriamanitra ho amin'izany raha sitrapony izany ary izahay dia mitondra ambavaka ny hahatanterahan'izany sy mangataka amintsika maniry an'izany koa hiara hitondra ambavaka.
Misaotra Tompoko
Misaotra Tompoko.
Miarahaba antsika rehetra.
Misy dia misy tokoa ny mpiandry katolika, raha te hihaino ny fanompoam-pivavahana ianao dia ao amin'ny RVM (radio Vaovao Mahasoa) isaky ny alarobia maraina amin'ny 5 ora eo ho eo, fifohazam-panahy katolika no anarana hoentin'izy ireo ary fombafomba katolika avokoa no ataony na ny hira aza saingy tsy ofisialy amin'ny katolika izy io. Misy ihany koa ny charismatique izay tena an'ny katolika mihitsy. Afaka mijery ny resadresaka momba izany ianao ao amin'ny dinidinika momba ny fifohazampanahy katoloka ato amin'ity tranokala ity ihany.
Misaotra an'i Atoa Barli, efa mihaino ny RVM tokoa izaho fa raha ny fahenoako azy dia tsy mbola ankatoavin'ny fiangonana Katolika izy io, ary miara-miasa amin'ny fiangonana rahavavy ry zareo amin'ny fanofanana sy fanatanterahana ny asa, fa isika fiangonana lehibe sy zokiny tokony mba manana ny antsika satria tena mihamaro ny asan'ny ratsy mitady handringana ny ondry sy hitsipina ny voa nafafy, ka izany no angatahana raha sitrapon'Andriamanitra mba hananan'ny fiangonana Katolika mpanompon'Andriamanitra hanao Mpiandry na izay anarana azo hilazana azy, hanatanteraka ny asa nanmpanaovin'i Kristy hiady @ ireo asan'ny ratsy ireo, entintsika ambavaka.
Misaotra tompoko
