1 Atolotray ny tenanay
Miaraka amin'ny hôstia:
Mba raiso re, ry Tompo ô,
Na dia tsy mendrika ho anao.
Ny herinay sy ny fonay
Ny asanay, ny fiainanay
Mba raiso re, ry Tompo ô,
Hampanjaka ny anaranao.
2 Jesoa Kristy 'lay Zanakao
Tsy hitanay an-tany atý,
Fa izahay mpianany
No solon-tenany tokoa.
3 Ry herinay sy tokinay,
Fanahy Zanahary ô,
Midìna atý anatinay,
Mba hamasino ny fonay.
4 Masina Maria mpiaronay
Ho apôstolin-Janakao,
Tantanonao ny dianay
Hanilo izao tontolo izao.