Voninahitra anie, voninahitra anie
Ho an'ny Ray ao ambony tsy taza-maso etý;
Fiadanana anie, fiadanana anie
Ho an'ny olona tiany, namindrany fo.
1 Midera anao izahay,
Mankalaza anao, mitsaoka anao,
Mihoby ny hasinao,
Misaotra anao 'zahay. (Voninahitra)
2 Ry Tompo Andriamanitray ô,
Rainay ianao, Mpanjakanay ianao,
Mahefa ny zava-drehetra:
Ny tany sy ny lanitra. (Voninahitra)
3 Ry Jesoa Tomponay ô,
Zokinay ianao fa Zanaky ny Ray,
Ianao manala ny ota,
Ka mamindrà fo aminay. (Voninahitra)
4 Ianao irery no Tompo,
Ambony indrindra, ankavanan'ny Ray,
Miaraka amin'ny Fanahy,
Ka omem-boninahitra. (Voninahitra)