Ny razantsika hendry sy lalim-pandinihana

1 Ny razantsika hendry sy lalim-pandinihana
 Nahalala sy niaiky fa mamy 'tony aina!
 Mirindra sy milamina ny misy manontolo
 Mandravaka an'izany...  Somambisamby ihany!
 Kristy no Fiadanana azo antoka ho antsika. (indroa)
 
2 Ny razantsika hendry sy lalim-pandinihana
 Nahatsapa sy niaiky fa ao ny Zanahary,
 Mpandahatra toavina, fa mandamina hilanto
 Ny lanitra sy tany... Somambisamby ihany!
 Kristy no Hazavana izay nomen'ny Ray antsika. (indroa)
 
3 Ny razantsika hendry sy lalim-pandinihana
 Nankamamy sy niaiky firaisan-kina mafy:
 Tsy ala ny hazo tokana, ka miara-misalahy,
 Tsy hisy hanoha riana... Sombambisamby ihany!
 Kristy no nandefa ny Fanahy hiraisantsika. (indroa)
 
4 Ny razantsika hendry sy lalim-pandinihana
 Nanantena sy niaiky Fanahy tsy ho faty,
 Tsy safotry ny fasana na haizina mikindro
 Ka afaka mitahy... Sombambisamby ihany!
 Kristy no tena Aina sady santatra ho antsika. (indroa)
 
5 Ny razantsika hendry sy lalim-pandinihana
 Naminany lalandava fihaonambe mitohy;
 Satria ny faniriany tsy hisara-mianakavy
 Tsy lefy tao am-pony... Somambisamby ihany!
 Kristy no nanambara fa ny Ray no miandry antsika. (indroa)