Mba sambatra e izay mitia manompo

Mba sambatra e izay mitia manompo,
Tsy mitady ny hotompoina e:
mba sambatra.

1 'Zay manome sy mizarazara e
 Ny kely an-tanany ho an'ny hafa:
 Mihary lova soa 'zay tsy mety simba:        
 mba sambatra.

2 Ireo miasa ho an'izy Tompo,
 Mahatsiaro tena fa hoe mpanompo:
 Tsy mba mirehareha amin'ny asa vita:      
 mba sambatra.

3 Ireo mpanompo mahari-tory
 Hamoha ny Tompo eny am-bavahady:
 Ny Tompo no handroso sakafo ho azy:     
 mba sambatra.

4 Ireo nomen'izy Tompo adidy,
 Ka trany manatontosa izany:
 Hatsangany ho mpitantana ny hareny:     
 mba sambatra.

5 Ireo enjehina noho ny Tompo,
 Satria mpianany mahatoky:
 Hantsoiny hoe sakaiza fa tsy mpanompo: 
 mba sambatra.