Efa natsangan'Andriamanitra ho velona

Nampiditra: Belle
Sokajy: Paka,


  • Vavaka sy Hira p. "701
  • Fihirana Hasina p. "73
  • Ankalazao ny Tompo p. "177
  • Fihirana Vaovao p. "127

Efa natsangan'Andriamanitra ho velona
I Jesoa Zanany sy Mpanompony, aleloia!
Efa nialoha lalana antsika izy:
Ho vavolombelony isika,
Ho vavolombelony kosa isika. Aleloia!

 

1 Toy 'reo vehivavy masina nanara-dia ny Tompo,
 Manontany tena isika raha idonam-pahoriana.
 Zovy ihany, hoy isika, no hanosika ny vato?
 Toa hadinontsika manko f'efa velona ny Tompo.

2 Toy 'reo mpianatra nandeha nizaha ny fasana isika,
 Raha nandre fitantarana ny asa vitan'izy Tompo.
 Zovy ihany no hanova 'zany fo sy masontsika,
 Mba hinoany fa nitsangana ho velona ny Tompo?

3 Toy ny mpianatra roalahy lasa nody koa isika,
 Efa kivy tsy afa-mino izay voasoritry ny Ray.
 Zovy ihany no hanazava ary koa hampino antsika
 Fa tsy maintsy maty aloha vao hitsangana ny Tompo?

4 Toy 'reo mpianatra rehetra tafavory tao an-trano,
 Zary henatra ho antsika ny anaran'i Jesoa.
 Zovy ihany no hijoro sy hanambara an-kasahiana
 F'efa niara-nisakafo tamintsika i Jesoa Tompo?


Eugene Hery - Tel +39 338 744 2412 (Italie) - [0.0171 s.] - Hanohana anay