Ô, ry fihinanam-bilona, famantarana ho anay

Nampiditra: Belle
Sokajy: Noely,


  • Fihirana Hasina p. "64
  • Vavaka sy Hira p. "679
  • Ankalazao ny Tompo p. "334

1 Ô, ry fihinanam-bilona, famantarana ho anay
 Manambara ny olombelona mampiantrano an'Andriamanitra!
 Alina e ny andronay!
 Mosarena fiantrana izato tany maminay:
 Ny fitiavan-tena tsinona no mameno ny fonay,
 Tsisy intsony izay mba toerana hiantranoan'izy Ray!
 "Io 'lay Zanany, hareny: lahitokany ka raiso;
 Zanahary mivahiny ao am-pon 'ny olombelona:
 Voninahitra sy harena mihoatra izay irinareo!"

2 Ry mpiandry ondry sambatra, olon-tsotra solonay,
 'Zay maniry fiadanana no toloran'Andriamanitra...
 Alina e ny andronay!
 Mosarena hazavana izato tany maminay:
 Rakotra haizina ny fiainana ka mamoy fo 'zahay,
 Tsisy intsony izay mba taratra hitsinjovana ny Ray!
 "Io ny Teny tonga nofo: hazavana ka hatòny,
 Fara tenin'Andriamanitra amy fon'ny olombelona:
 Vaovao mahafaly efa nandrandrainareo".

3 O, ry majy tatsinanana, solon-tenanay mpanota,
 'Zay mibanjina ny lanitra notarihin'Andriamanitra...
 Alina e ny andronay!
 Mosarena famonjena izato tany maminay:
 Ny otanay no mitambesatra ka tsy mampitraka anay;
 Tsisy intsony 'zay mba kintana mampitodika amy Ray!
 "Io Jesoa fitarikandro: famonjena ka araho,
 Zanahary te hanova ny ati-fon'ny olombelona:
 Hazavana manjopiaka hitari-dalana anareo!"


Eugene Hery - Tel +39 338 744 2412 (Italie) - [0.0784 s.] - Hanohana anay