Andriamanitra Fanahy, midìna ao anatinay

Andriamanitra Fanahy,
Midìna ao anatinay,
Fa ny fonay aty miandry
Hamindranao ny anatrao. (indroa)

1 Ry Fanahy Masina ô, mba tongava
 Ho mpitondra aminay ny hazavana e,
 Hazavana hanilo anay e.

2 Ry mpanafaka alahelo soa indrindra ô,
 Mba mitoera re ato aminay e,
 Mba ho aina mamelona anay e.

3 Ala sasatra amin'ny asa ianao e,
 Alokaloka raha maina andro e,
 Tambitambin'ireo malahelo.

4 Ry fanilo loharanom-pahasambarana ô,
 Mba tsidihonao ny fonay mpino e,
 Fa ianao no harena sy herinay e.

5 Androtsahy ireo fanomezanao e,
 Mba omeo ny hasambarana tsy lefy e
 'Zay rehetra mitoky aminao e.

6 Voninahitra ho anao, ry Ray ô,
 Voninahitra ho anao, ry Zanaka,
 Miaraka aminao, ry Fanahy Masina.