Voninahitra ho an’ny Ray be fitiavana

Nampiditra: admin
Sokajy: Voninahitra,


  • Fihirana Hasina p. "802

Voninahitra ho an’ny Ray be fitiavana
Izay nampihavana antsika tao amin’ny Zanany
Voninahitra ho an’ny Fanahy loharanon’aina!
Voninahitra ho Azy any an-tampon’ny lanitra;
Fiadanana ho an’ny olona ety ambonin’ny tany
Fa nanehoan’ny Ray ny indrafony mandrakizay

1-  Tanteraka ankehitriny ny fikasany e
     Dia indro ary ny olombelona fa nasandrany
     Hitovy endrika amin’ilay Zanany e
     Ilay teny tonga nofo tety an-tany

2-  Voafidin’Izy Ray i Maria Virjiny e,
     Hiteraka ny lahimatoany tsy misy tsiny e;
     Santariny ny fiterahany antsika zanany e
     Ao amin’ny Fanahy sy ny Fiangonany

3- Jesoa no manala ny fahotan’ny olona
     Zanak’Ondrin’Andriamanitra natao sorona e;
     Izany no mampiharihary ny indrafon’ny Ray
     Nampihavana antsika indray ao amin’ny Zanany

4- Tolory voninahitra i Jesoa ilay Masina e,
     Noho Izy nandala hatrany ny Fanahy Masina e,
     Nasandratry ny Ray ho Tompo sy Avo indrindra,
     Hamondrona, hampihavana izao rehetra izao.


Eugene Hery - Tel +39 338 744 2412 (Italie) - [0.0073 s.] - Hanohana anay