Zovy no afaka hilaza fa nahita an'Andriamanitra ?

Zovy no afaka hilaza fa nahita an'Andriamanitra ?
Iza no efa nihaona tamin'ny Tompo ka nibanjina ny tavany?
Raha mifankatia anefa isika mianakavy dia ho sambatra !
fa monina eto anivontsika anie Andriamanitra Ray e! (Jn. 4, 12)

1- Ray ô, tsy miafina aminao ireny adim-piainana
atrehina isan'andro !
Isaoranay Ianao fa mifankatia izahay,
ka afa-mifanohana :
miombom-pifaliana, miombom-pijaliana ;
matoky manana Anao izahay, ry Ray ô,
satria miara-monina aminay tokoa Ianao

2- Ray ô, tsy miafina aminao ireny tonombavaka
asandratra isan'andro !
Isaoranay Ianao fa mifankatia izahay
ka afa-mira-mientana :
Manandram-pihobiana, mangata-pitahiana ;
matoky manana Anao izahay, ry Ray ô,
satria miombona ezaka aminay ny Zanakao.

3- Ray ô, tsy miafina aminao ireny fiezahana
iarahana isan'andro !
Isaoranay Ianao fa mifankatia izahay
hijoro hanao ny marina :
miroso an-kasahiana fa feno fitokiana,
matoky manana Anao izahay, ry Ray ô,
satria momba anay hatrany ilay Fanahinao.