Arotsahy re, ô ry lanitra ô

Arotsahy re, ô ry lanitra ô,
ny andonao mpamelombelona ;
mba iraho re, Andriamanitra ô,
'Lay Zanakao mpamonjy anay.

 
1- Aza tafahoatra ny hatezeranao,
aza dia tsaroana ny helokay, ry Tompo ;
I Siôna anie, ry Tompo, zary efitra,
'Lay Jerosalema nankalazana Anao.
 
2- Rakotry ny ota ka menatra izahay,
entin-drendrarendra toa ravin-kazo maina ;
fa ny tavanao, ry Tompo, dia nafeninao,
ka ny helokay no sisa anjaranay.
 
3- Mba jereo, ry Tompo, ny fahorianay,
ka iraho hatrany ilay halefanao,
ny Mesia Zanak'ondry sady Tomponay :
Izy no hamaha ireto fatotray.
 
4- Mionòna ihany, ô ry vahoakako,
efa mby akaiky ny famonjena anao ;
dia nahoana re no ory toa mamoy fo?
'Zaho anie no Tompo Andriamanitrao.
 

Nampiditra Bariry
Sokajy Fiaviana - Fidirana
Fihirana Dera p. 102
Fihirana Hasina p. 55
Fihirana Vaovao p. 19
Vavaka sy Hira p. 663
© Eugene Heriniaina - serasera.org 1999 - 2024 - page load 0.0107